含X投票?破釜沉舟?

含X投票?破釜沉舟?

泛民喺呢幾年嘅工作表現係點,大家都心中有數。唔少人會問,我好撚憎保皇共狗,但係泛民咁不濟,又唔抗拒大陸化,可以點投!?

個人認為,最理想嘅情況係,如果你嗰區有擺明車馬係支持本土政策嘅新人嘅話,我一定會支持,唔會考慮會唔會有「分薄票源」嘅情況。區議會選舉,係一個比新人鍛煉嘅好場合,而且勝負往往只係幾十至到幾百票之間,如果人人都摒棄「分薄票源」嘅諗法,本土可以爆冷突圍嘅機會係絕對有。就算佢哋贏唔到,嗰一千幾百票,亦都會係令佢哋努力再戰嘅動力。

好唔好彩,我嗰區只係得泛民(白鴿)同打正旗號反佔中嘅保皇黨,而我最後都係決定投俾白鴿。首先,我真係好撚唔喜歡保皇黨,亦都唔想因為我呢一票,令到我呢區多咗好似大埔天安門,或者鰂魚涌廢躉避雨亭呢啲利益輸送嘅無用設施。我一向嘅理念都係,如果只係得泛民或者保皇黨,我會揀一個「 the lesser evil」嘅選擇。

有唔少本土派人士,認為係呢個情況下,應該投畀共狗或者投白票,懲罰泛民,亦都有人話,全面消滅泛民,加速香港嘅死亡,先至會達到全面革新抗爭嘅氣候。我個人認為用呢種方法,只係懲罰埋自己。我比較悲觀,經過雨革之後,發覺香港仍然充滿港豬嘅情況下,貿然破釜沉舟,只會令到大部分人更加接受衰敗,放棄抗爭;而係更加高壓嘅政治環境之下,仍然係處於萌芽階段嘅本土政治組織只會更加快被打壓消亡。

希望我以上嘅睇法,可要比到少少頭緒大家。如果你有幸可以係泛民/保皇黨之外有其他選擇,恭喜你。不過,記住要睇清楚,邊啲係假獨立,真建制,又或者只係得一個 wechat number 嘅假傘兵。點樣分辨?或者以下個懶人包可以幫到你。

[不求酒只求有人睇]區議會十八區獨立參選人大起底

photo source: 香港網絡大典

啱睇就Like埋我地個Facebook專頁

Leave a Comment

Your email address will not be published. Required fields are marked *