回帶去1933年嘅德國國會縱火案

回帶去1933年嘅德國國會縱火案

1933年,希特拉領導嘅納粹黨喺德國國會控制34%嘅議席,喺當時德國政治經濟都一片混亂嘅情況下,成為國會第一大黨。由於無一個黨派佔到大多數,納粹黨唯有同其他右翼政黨組成聯合政府,並推舉由希特拉出任總理。對於一心復辟帝國,一統歐洲嘅希特拉,當然唔會滿足於做一個破腳鴨政府嘅總理。當時嘅德國憲法中有一條《授權法》 (Ermächtigungsgesetz) ,賦予總理喺國家緊急狀態之下,有權繞過國會通過而頒布法令,簡單講即係立即廢除民主議會政制。《授權法》需要國會三分之二嘅多數議員通過先可以生效,所以希特勒上台之後立即要求總統解散議會,並安排1933年3月舉行重新選舉。

當時德國國會嘅兩大左翼反對黨,加埋控制咗37%嘅議席,即刻話一般嘅情況下,《授權法》係無可能會通過。神奇嘅事就喺1933年2月27號,大選前嘅一個禮拜發生。位於柏林嘅國會大樓 (Reichstag)  當日突然發生大火,並發生爆炸。效率迅速嘅納粹黨衞,當然好快捉咗幾個聲稱係共產黨嘅疑犯,並宣布共產黨意圖暴動,定為非法組織。之後幾日舉行嘅議會選舉,納粹黨贏咗44%嘅席位,然後通過對少數政黨威逼利誘,強行通過《授權法》,仲係一個月之內取締所有非納粹黨派,建立好納粹獨裁政權。

成件縱火案嘅時機,實在係無可能咁巧合,不過到咗今日,歷史學家都無辦法確實知道件事係納粹黨插贓預謀,定係只係一班勇而無謀嘅人嘅行動,比希特拉屎忽撞棍,加以利用。當然,喺當時歐洲嘅政治大環境之下,就算無縱火案嘅發生,希特拉要建立納粹獨裁政權,都可能係遲早嘅事。

legco

人類,理論上應該識得以史為鑑。不過,香港嘅歷史教育,可以話係非常貧乏。以上嘅歷史劇情,大家絕對可以代入2015年,或者以後嘅香港,只不過暫時只係將國會大樓換咗係流肛華局長。。。

圖片來源: Wikipedia ; Bastillepost

啱睇就Like埋我地個Facebook專頁

Leave a Comment

Your email address will not be published. Required fields are marked *