投資101:55%回報率其實係非常失敗嘅投資!

投資101:55%回報率其實係非常失敗嘅投資!

今日係第一大網媒上面見到有篇文去 sell 全民退休保障,作者咁話:「一個普通年輕人月薪三萬,他退休後的領取總額,只要活得不比預期壽命短,「回報率」至少逾55%。」

FullSizeRender

首先,全民退休保障可持續性問題,唔再多講。究竟,一個人一生投資有55%回報率,真係咁好?用返作者粗疏嘅計法,一個年輕人月薪三萬,唔計按年資增長嘅加薪,月供2.5%即係每個月$750, 同樣係由20歲供到65歲,總供款$405000,全部投資近乎零風險嘅美國三十年國債,用金融海嘯之後零息環境嘅史無前例最低嘅接近3%孽息(yield), 每半年派息用複式利息計算 (compound interest) ,呢位月薪三萬嘅年輕人,可以攞返$85萬有多 (用呢個Recurring Deposit Calculator 計出嚟嘅)  !假設大家都係平均壽命,回報多咗好多喎。除咗美國國債,一啲風險低嘅評級A或以上嘅企業債券,係近年零息環境之下嘅回報率都有大概4-5%,真係好想問下作者,有無認真研究過投資同風險管理!?55%回報率對於收入不俗嘅年青人好吸引? 真係獻醜不如藏拙啦。推銷一個計劃,連咩叫好同唔好都唔知,點 sell !?  冇錯,一般市民唔會有途徑或者知識投資國債同企業債券,所以一個負責任嘅政府,更加應該為市民設立一個最簡單易明,風險最低嘅渠道,而唔係任由一啲基金經理,用一啲巧立名目嘅計劃,收取唔合理嘅手續費。

西方國家嘅 state pension fund,大部分都係一個最低定額 pension 再加上根據年資同投資額計算出嚟嘅數目,保障基本生活之餘同埋唔會懲罰多勞多得嘅人士。而家嘅所謂學者方案,只有一個最低定額 pension,坦白講,$3500 係今日嘅香港,對於除咗草根階層嘅市民之外,都係聊勝於無。$3500令到有需要嘅人得到基本生活保障,作為社會福利上嘅資源再分配,我覺得冇問題,不過點樣利用稅收再分配,我唔係專家。但係唔該所謂學者方案嘅支持者,唔好混淆視聽,話人人都攞咗$3500就係全民退保,對點樣解決強積金近乎零/負回報隻字不提, 然後就等全民退保集體爆煲。一個社會對於全民退休保障有討論本來係非常健康嘅事,但係喺香港呢個鬼地方,政府存在嘅目的只係搞大白象工程,挖空庫房去利益輸送,當然無興趣認真搞好全民退保。所謂學者團隊以及佢哋嘅支持者提出嘅方案,連最重要嘅可持續性問題,都係用粗疏嘅假設如果政府能夠實行積極人口政策例如鼓勵生育、改善托兒服務,香港嘅勞動人口減少問題就咁容易解決,真係得啖笑。

Cover photo

啱睇就Like埋我地個Facebook專頁

Leave a Comment

Your email address will not be published. Required fields are marked *