敢做唔敢認嘅人,我會叫佢做契弟!

敢做唔敢認嘅人,我會叫佢做契弟!

今日成個 Facebook 洗版式講緊特區正苦偉大嘅梁特首,被發現係平安夜當日公開咗約 400 人嘅朋友名單,包括多位性感女郎,甚至係日本 AV 女優。今日特首辦就發聲明話佢個 Facebook 係 12 月 24 日下午懷疑被黑客入侵,改晒佢啲個人資料,又加左堆「新朋友」乜乜乜咁。

但係天網總係恢恢,網絡總係疏而不漏,好快就有一幅 Facebook 截圖,日期係11月23日,圖中所見,有3個性感索女一早已經係 Facebook 同梁特成為朋友。正所謂,若要人不知,真係唔好太低 B。

繼我話,偉大嘅梁特,一定係妒忌 AV 仁可以係立法會「明張目膽」咁睇女,而自己又要日日對住隻龍蝦而寂寞難耐,於是瘋狂係 Facebook 同對岸嘅美女互相交流。不過連日本女優都唔放過,就真係要小心呀爺囉,始於方丈份人……大家都懂的!

不過咁,唔好以為發埋啲咁嘅聲明,我地就會信你先得架,我地無你咁低智商呀! 成件事得兩個可能性,第一,專頁一直由佢自己管理,亦即係話所有性感女郎同埋女優,都係佢自己加,唔係追蹤咁簡單,直頭係做埋朋友,有晒計劃啦。就當真係黑客入侵,預左要搞你呢個特區首長,又會唔會只係刪下你啲 post,幫你周圍加下「新朋友」就算呢? 搞得你,最起碼都要你身敗名裂啦。講番轉頭,平安夜公開嘅朋友名單,分分中係自己錯手公開,但又唔知點收科,就作個大話出黎,呢件國王自製的新衣,唔係咁易著架。

第二個可能,有下屬幫佢管理個專頁 (應該唔會係馮煒光掛),除非果個人係一心要搏炒 (而我唔相信會有人蠢到會因為咁而令自己無左份工,尤其係政府工),否則係絕對唔會幫佢加咁多「新朋友」囉。畢竟到有一日東窗事發,後果都係自負,呢盤只輸無贏嘅賭局,無可能有人會 All-In囉。

所以,結論只得一個,就係梁特敢做唔敢認,而我會叫呢種人做契弟!

 

Photo: hk.apple.nextmedia.com

文探花 Be The Third.Lyricist.Writer

啱睇就Like埋我地個Facebook專頁

Tagged .

廢青一名,醉心填詞,欣賞林夕老師的細膩感情,喜愛方文山老師的詩情畫意。以字發聲,月旦春秋。不想在沉默中滅亡,深信堅持才有希望。

Leave a Comment

Your email address will not be published. Required fields are marked *