潮文《肥是原罪》|【倩鈴文摘 】

潮文《肥是原罪》|【倩鈴文摘 】

其實潮文都可以好啜核到肉,有幾篇都係我上高登咁多年以來一直無法忘懷既,所以想同大家分享下。其中呢篇《肥是原罪》深入民心,岩哂啲為食又唔做運動既人。如果食每餐飯前都開黎聽下,我相信你好快會減肥成功。

P.S. 逢星期五出呢個系列既片,其他寫作同分享亦同步進行。

發佈日期:2016年1月20日

原文:《肥是原罪》
原文出處:不詳
原作者:佚名

樣衰唔係罪,係不幸。生得醜唔係你既責任,要怪既,只好怪上帝
但係,肥,就係你既錯! 一個人好地地係唔會肥既,你變得做肥人,梗係食左多過你需要既野啦 係呢個仲有咁多人捱餓既時代,你竟然食咁多野? 肥係貪心既表現,係唔公平既象徵 肥人臃腫畸形既身體,已經充分顯示出佢地既唔道德

肥人係罪犯,佢地甚至俾小偷、殺人犯更無恥 一般犯人都會掩飾自己犯左既罪 但係肥人,佢地竟然將自己既罪證放哂響個身上,就好似一個殺人犯拖住條屍周街走咁 你話,見到肥人有乜辦法唔憤怒?

所以,見到肥人應該即刻鬧佢,就算唔鬧佢都要鄙視佢,我地要透過侮辱黎喚醒佢既良知 係街見到肥人唔鬧佢,就好似搭地鐵見到痴漢非禮學生妹唔出聲一樣 作為一個有良知既人,我地應該出聲,應該股起勇氣挺身而出鬧到佢地狗血淋頭!

筆者:葵倩鈴

Facebook 專頁: www.facebook.com/kwaisinling/
Instagram:kwaisinling

啱睇就Like埋我地個Facebook專頁

香港作者,崇尚自由 | 以文字演繹忠誠愛慕,以勇氣堅持追隨幸福。 | 最新出版:《馴養之丘》、《女生情事宣言》 | Instagram: kwaisinling

Leave a Comment

Your email address will not be published. Required fields are marked *