女朋友,我們來玩個接吻遊戲

女朋友,我們來玩個接吻遊戲

熱戀中的朋友都喜歡纏著另一半不放,時刻都想要擁抱、親吻,這是正常不過的事,而且接吻時大腦會分泌多巴胺,令人感覺特別愉悅舒暢。不過,剛開始交往的朋友未必習慣,親熱時感覺不自在。

三年前剛牽上了女朋友的手,她很害羞,怕在公眾場所親熱,只在扶手電梯上輕輕吻我的臉額,蜻蜓點水式的,然後連忙轉過去。有時在街上看她喋喋不休,可愛地手舞足蹈,便想吻她那雙蜜唇,她卻老是躲避,尷尬地低頭或連忙向前走。

為了解決這個問題,我決定跟她來場競賽。一天,我們並肩坐在咖啡屋裡吃完午餐,我問:「你要唔要同我玩個遊戲?輸咗請食甜品。」

她問:「咩遊戲啊?」

「咁你玩唔玩吖?」

「咩遊戲姐?」她咧嘴大笑。

我沒有直接回答,只是不斷挑釁她,說她膽小,笑她怕輸。我知道她好勝又嗜吃,為了勝利也為了甜品,她肯定會答應的。

她牽著我,神情古怪地問:「好啦好啦,我玩啊,咩遊戲啊?」

「接吻遊戲。」

她瞪大眼,驚訝地問:「咩話?」

「遊戲規則好簡單──輪流講一個關於接吻嘅冷知識,任何種類、幾無聊嘅知識都得,總之同接吻有關就可以,如果行動示範埋就當講咗兩個,接唔到落去就當輸。」

「吓?咩遊戲黎嫁?好無聊啊你。」她搖頭想要拒絕。

「你啱啱先應承左,唔係想縮沙啊? 」

結果,她沒好氣地就範,「係咪只要同接吻有關就得啦?」

我點頭,主動開始:「嗱,我依家講一個示範下,聽住啦喎 ── kiss 持續十秒就會消耗五卡路里,所以好多人一拍拖就瘦咗。」

「哈哈!係咪真嫁?」她捂嘴大笑,我點頭,示意換她回答了。她托著頭,「哎呀……我點會一時三刻知呢啲野啊……」我打開菜單,翻到甜點一頁,擠眉弄眼。

她拉著我的手臂,「喂啊……唉!好啦!係咪講乜都得嫁?咁……kiss 可以提高免疫力掛……所以拍左拖就會健康啲!」一說完,她自己也禁不住大笑起來。

「好,到我。大部分人 kiss 個陣呢,個頭都會偏向右邊。」她一臉疑惑,我問:「唔信啊?」她還沒來得及作反應,我已經輕輕吻下去,她錯愕地瞪眼,我繼續說:「嗱,我示範咗,你要講多兩個。」

「有無搞錯啊?你擺明我蝦我姐!」

我低頭看菜單,「啊!你話食海棉蛋糕配窩夫好,定係心太軟加雪糕好呢?」

她絞盡腦汁:「好多動物都識錫錫,好似貓狗啦、猩猩啊、牛啊、兔仔啊,仲有我個日係 Facebook 見到有啲松鼠都識!同埋……錫個陣啲口水會接觸,所以有機會交換細菌!」

換我了,我看著她說:「French kiss 會用到臉部 34 塊肌肉,而輕輕錫一啖只會用到兩塊肌肉。你想唔想塊臉瘦啲?」

「唔洗啦!」她立刻伸手蓋住我的嘴巴。

「但我想喎。」我摟住她的腰,將濕潤的舌頭伸進了她的嘴裡不斷旋轉,溫和地吸啜她的嘴唇,纏綿悱惻,配合她的節奏,讓她慢慢放鬆下來 ……

「到我未?」她問。「我知你玩呢個遊戲嘅目的係想錫我,呢個算唔算?同埋……你個嘴好乾啊!搽多啲潤唇膏啦!」她從手袋裡掏出一支蜂蜜味的唇膏,在唇上來回塗抹,然後拉著我的衣領,吻住了我。

然後,我們點了兩款甜品──草莓海棉蛋糕配蜜糖窩夫、香濃巧克力心太軟加香草雪糕,我也心甘情願、自覺主動去買單,因為當我再次捧著她的臉,靠近她的鼻尖時,她再也不會退縮了。

P.S. 想同另一半玩呢個遊戲,就快啲 tag 佢入黎啦!


圖片來源:popista.com

筆者:葵倩鈴
Facebook 專頁: www.facebook.com/kwaisinling/
Instagram:kwaisinling

啱睇就Like埋我地個Facebook專頁

香港作者,崇尚自由 | 以文字演繹忠誠愛慕,以勇氣堅持追隨幸福。 | 最新出版:《馴養之丘》、《女生情事宣言》 | Instagram: kwaisinling

Leave a Comment

Your email address will not be published. Required fields are marked *