惡臭

惡臭

小學課室突然傳來一陣惡臭,同學議論紛紛。梁班長和黎組長各自謀算。

梁班長舉手向老師和同學說是學校爆屎渠 ,要求校方一擲千金更換整個污水系統。老師正想回應之際,黎組長舉手,只說了六個字就將事情解決。這六隻字是「對唔住!我放咗屁!」(X!又數錯字數!對唔住!)同學嘩然,老師即暗自欣賞黎組長承擔責任的勇氣。

而作為這個故事嘅全知者,可以告訴大家一件甚為離罩嘅事:梁班長其實瀨咗屎!

所以建議番大家應該做嘅事:

1. 唔好再比梁班長繼續做班長,最好唔好同佢靠咁近,因為佢真係好臭,而臭係會傳染的。
2. 向黎組長學習,唔係學佢漏 gas,而係學佢承擔責任的勇氣。

不要抹黑關公,真關公不需要公關。

其實「錯就認,打就企定」係好基本的待人處事態度。香港成年人一邊教小朋友道德觀,要學關公義字行頭;另一邊則教佢地「特事特辦」,有苦衷,「大人嘅世界唔係你諗咁簡單 囝囝/囡囡 你大個就知嫁啦」,迷信公關。

黎明事件就係話比大家知,大人嘅世界其實都係咁「紅黑紅紅黑 就係咁簡單」,係你地班成年人「諗多咗」啫。而作為成年人我也明白點解成日會「諗多左」,係因為太多利益矛盾和意識形態的左右。不過我認為最大的原因是唔夠自信和信任,信唔過自己可以從錯誤中學習,信唔過人地會理解包容。

「信任」的確是香港現在最缺乏的東西。

 

文﹕心魚

Photo: www.rawstory.com

啱睇就Like埋我地個Facebook專頁
筆名心魚,是一名香港本土作家,2016年曾參選立法會選舉新界東直選

Leave a Comment

Your email address will not be published. Required fields are marked *