記者人工低但絕對不是廢青 wage lies, see why?

記者人工低但絕對不是廢青 wage lies, see why?

要求記者全面加人工!不過喺自由市場角度,人工水平係講供求,唔應該插手干預。咁點解記者呢份要求高(大學讀新聞系收生成績都算高)又辛苦的工作(供少),傳媒又咁多香港人睇(求多),理論上供不應求,人工應該升先啱嫁喎!不廢而廉,點解?

這是自由市場的盲點,我們常常以為市場是真 efficient,no one can beat the market,但事實上唔係所有 information 都係 open for public,information cost 其實可以好貴嫁,巴拿馬文件就係例子。而呢 d 炙手可熱的資料就像現代金礦,不過因為涉及公眾利益,所以良心機構唔拎出黎賣啫,但試諗下若果一間機構搵完呢 d 爆料,拎去同各相關國家高層 bargain,嘿嘿,有價有市呀,賺的分分鐘比發掘到金礦仲多!(你試下賣習大大大醜聞比上海幫,江大大隨時會送上海地底幾個秘密金礦比你呀,如果有,除非無,應該會,除非唔會。)

講番點解記者人工低?咁係因為基於對公眾利益低門檻唔賣錢的堅持和非金錢價值。咁點解傳媒又賺到錢?咁係因為傳媒老闆係商人。咁點解傳媒賺到錢但記者人工仲係咁低?因為商人好聰明,識利用記者為公眾利益的抱負來搵錢,任佢地理想當飯食,野就你做,錢就我賺,本小利大,又有影響力,呢盤生意筍啦。所以宜家咪咁多紅色資本黎香港搞傳媒,生意頭腦嘅嘢,你班本著為社會真相發聲既新畢業傻仔傻女識條鐵咩?兩三年後,等你地學識咯,睇清呢行的現實咯咪轉行囉。政府會幫手?政府唔係親中,就係商人,年輕人你太天真了!

雖然如此,這個社會仍然有希望。何以見得?咪就係果班明知低人工又辛苦又愈來愈多掣肘,但仍然都要在收緊中的狹縫裏頂住揭露真相的行家們。可惜的是,在資本主義的紅色巨爪下,安裕犧牲了。阻人開飯,罪大惡極呀!社會良心?食得嫁?值幾錢?唔值錢就唔好阻住個地球轉啦!

當紅色資本主義日益強大,自由市場?無形之手?efficiency?哈哈,傻豬豬,你還相信嗎?當中央可以公開要求財經學者記者分析員只能報喜不報憂的時候,你覺得作為內地權貴避稅天堂、瀨共政府行政主導的香港,仲可以有幾自由、有幾 efficient?中央宜家想證明的就是佢有 beat the market 的能力。

不過正如上面提到,我仍然任性地覺得香港仲有希望。希望在於香港人的本土良心和團結力量,在於在狹縫中求生,然後反敗為勝的堅持和智慧。當明報員工可以提出自願減薪聘回姜國元,繼續大篇幅跟進報導巴拿馬文件,傳媒行家可以夠薑自發集會撐姜,你就尚能感受到當社會開始由上而下逐漸禮崩樂壞,希望和正義就從下而上慢慢滲出光芒,不過這些光芒是由真心和犧牲組成的,係堅的「over my dead body」,而唔係只係係記者會度得個講字。

香港良心加油!

 

Photo: commons.wikimedia.org

作者 FB

啱睇就Like埋我地個Facebook專頁

Tagged .

本土 本是老土 說來說去 就是一個「情」字 Localism 其實很 "Oldcal" (Oldcalism)

Leave a Comment

Your email address will not be published. Required fields are marked *