工作的思想鳥籠

工作的思想鳥籠

自問縱橫服務性行業已經有幾年,邊寫作邊找外快,雖然任職過好幾間餐廳,還是小卒一名,但心裡面依然充滿著辛酸很想找個良辰訴苦一番,大家可以當作家常便飯後的閒談,目的是宣泄掉,內心莫名的抑鬱。

話說搵新工,最先就要填份入職表,但係有時候,工作經驗太多,反而會提高上司對你的過高期望,唔知大家有冇試過填入職 form,尤其依家正值 DSE 考生出黎搵工既熱潮,In 過好幾間餐廳,絕對唔出奇。我相信如果你好有經驗既話,聰明既你,無論之前係有返過其他工,工作經驗果欄,你一定會醒目地避過唔填,點解唔填?填完你就知咩料。

「喂!唔係吖,你之前做過 XX 餐廳既喎,你同我講唔識做!」

當你成功投身飲食業,你就會諗點樣可以離開呢個行業,俗稱轉行,做左一年唔想走,又話遲下先算,一做就做左三年,途中有超過十次想離職,但係同一個工作習慣維持左二十次,就會成為你既習慣,你會唔捨得離開,甚至已經被同事迅速洗腦,

「此處已是人間美境」

「沒有別的工作比這裡好」

甚至開始生怕別處的地方會比這裡的還差,萬一突然離職,豈不是深入虎穴,於是平穩八方,你已經很滿足。於是五年後你依舊係茶餐廳既伙記,食住店入面馳名既叉燒飯過每一個 lunch。小弟就已經嘗試過好多次,其實做飲食業又真係有冇出路?做主任?做經理?黑住塊臉依然要受人氣,見過無數個 hea 住去返工既主任/經理,通處皆是。打工仔為著一日三餐去賣命,入行門檻低,人人也爭著搵工,走了一個你不少,人人也能勝任,取替你而代之。抽身過後,反而你發現除了這個勞動力大的飲食行業能容身你之外,別處也不能容下你。

「如困在鳥籠太耐,思想便會形成枷鎖」

 

Photo: culturedecanted.com

作者 FB

啱睇就Like埋我地個Facebook專頁
純粹熱愛寫作,喜歡用黑白照上加上一段文字,和你訴說曾經。

Leave a Comment

Your email address will not be published. Required fields are marked *