擇山城大學定商城大學?

擇山城大學定商城大學?

直接引述 CUHK Secrets Facebook專頁帖 #CU2469:「真係俾面叫你一聲沈校長,我辛辛苦苦入到中大,排名過山車咁跌,而家三大個名都無埋,我真係話知你要追求乜乜物物,到底有無人知香港好多人好窮,想靠大學改變自己命運。排名完全唔理,喺度話排名不等如教學質素,你食屎啦 XX。首先我唔認為教學質素有幾好,一堆廢物 professor 一升左就 hea 教,其次中大 grading,真係咁多間最 Y…排名低 Y grade,我真係好 Z 多謝沈校長俾我嘅優質教學同人文氣色。」

利申:沈校長一嚟中大我就畢業,所以我唔係好知中大呢幾年實質有咩轉變。

不過對於呢位同學仔狂插祖堯bb呢,我可以理解佢嘅諗法,不過我唔認同。即係好似投資咁啫,入咗中大排名跌佢可能想止蝕,但止唔到,血流不止。但呢位同學仔,你唔係真係當讀書係買股票呀?你自己係中大讀緊,學生第一身感受,覺得教學質素點你最清楚,學到幾多直接入你袋,排名呢d嘢比真材實學次要啦下話,若果真係覺得教授教得唔好,可以e佢,排名可參考下,但唔駛睇得咁著緊咁功利。個人意見,中大係有 d 老老土土咁,但係絕對係好嘢嚟嫁喎!你畢咗業幾年就會慢慢感受到,雖然中大畢業未必可以令你賺好多錢,但你會賺咗好多長遠對你人生好有用嘅嘢。當年在中大畢業後,月薪只有九千五,那時都有後悔過自己擇錯科,但現在回想,在中大讀書的三年間,袋落袋嘅嘢一生受用,值到爆,無悔。

有分析指中大排名跌,其中一個原因是因為唔夠「紙」(Research Paper),但對學生來說,教學質素比造紙數量重要。對教授來說,造紙和教學其實是否一定要兼顧?分兩條路,一條專造紙,另一條專教學,或者可以讓教授自行選擇比例,但學術和課程研究就一齊做,咁聽落更 make sense(但其實宜家制度係點我唔係好清楚)。教學向外,要熱誠;造紙向內,要沉穩,要兩者兼顧,會否反而顧此失彼?當然若能兩者兼顧,絕對是優勢。

排名其實都係一種間接強權,逼你要跟佢果套遊戲規則,就咪你排名跌就自己攞嚟衰。從幾時開始排名、數據由分析質素的工具變成了目標,變成了追逐的對象,而真正的質素卻變得次要。難道因為方便、功利和愚昧,今時今日嘅世界,真正嘅好嘢真係無咩人識得欣賞?

最後從股票投資角度分析,假設 DSE 成績係資本,資本唔多的話,選擇城大係明智的,本小利大,高風險高回報,以小搏大。有一定資本就頭痕啦,要保本擇唔擇中大好呢?本多利少,好似豬豬地,以本傷人就成日聽,以本傷己就好少見。

其實唔駛頭痕,好易解決,有本錢嘅應該以另一種投資角度去諗,唔係買股票,係講緊 Capitalisation,即係好似基建咁,講長線投資,有眼光有遠見的話好少會蝕本,本多利大(利唔一定係講錢)。

注意:本文只代表本人立場,投資涉及風險,排名可升亦可跌。

(圖片來源:hktext.blogspot.com)

作者 FB

啱睇就Like埋我地個Facebook專頁

本土 本是老土
說來說去 就是一個「情」字
Localism 其實很 “Oldcal” (Oldcalism)

Leave a Comment

Your email address will not be published. Required fields are marked *