一生只想找一個會為我捉小強的男人

一生只想找一個會為我捉小強的男人

「你寧願畀肥婆強姦定畀百幾隻小強圍?」Brenda突然問。
「吓?圍幾耐先?」男友 Mike 說。
「肥婆搞幾耐就圍幾耐!」Brenda說。
「……咁我寧願畀肥婆搞,起碼合埋眼都好過啲。」Mike說。
「嗯,比我都咁揀。」Brenda說。
「癡線!女仔點同呢,你諗都唔好諗呀!」Mike說。

話說某個早上,Brenda 到廚房打算煮麥皮當早餐,拿起水煲放了水,正想把水煲放上爐時卻看到一團啡黑色的東西,由於沒有戴眼鏡,便把頭靠近一看,當然換來一聲慘叫,原來一隻街邊size(即是好很大)的小強正悠閒地躺在爐上曬太陽,她直奔睡房向媽媽求救,可惜天下女人,不分年紀,也是怕小強的(大部分),不過母愛總是偉大,Brenda媽還是硬著頭皮走進廚房,並叫 Brenda 拿電蚊拍給她。

「頂!我搵唔到個電蚊拍呀!」Brenda大喊。
「一定係你老豆又唔知放咗喺邊啦!次次搵乜無乜,唔搵佢又彈出嚟!」媽媽說。
「我繼續搵,你望實隻小強呀,唔係一陣佢就走咗唔知去邊!」Brenda說。
「哎呀,佢開始走喇……唉,走咗。」媽媽說。

兩母女眼白白看著小強斯斯然地離開,亦只能黯然地關上廚房門,並祈求Brenda爸起床後會消滅那隻該死的小強。而結果是Brenda爸到廚房望了兩眼便說小強已走,還怪女人們大驚小怪。Brenda心想早知自己開爐燒死它,女人還是應該靠自己,(事實上當然唔work,因為小強好敏捷)而 Brenda媽 亦發起罷工,說不見小強屍首便不進廚房煮飯,其實她也不是怕小強怕到這個地步,只是心裡生氣老公不幫忙還要責怪她。

罷工維持了三天,Brenda 爸終於買了小強屋回來,因為他說小強不死我們便會餓死,但最後過了一星期也沒有見到小強屍首。然後某個早上,正當 Brenda 想煮麥皮時,小強又再出現於同一位置!她又再叫媽媽幫忙,最後當然又是兩母女看著小強離開。老老實實,小強實在像個強姦犯,強姦完人,仲要好得戚咁望住你,好似喺度講:「吹呀?夠薑捉我囉笨!」可恨這兩母女實在太軟弱,完全不敢作出反抗,於是最後便請求了 Mike 來幫忙。翻箱倒籠一輪後,終於看到小強,便以十大武器之一的拖鞋消滅了它。

「你頭先好勇呀!一嘢啪死咗隻小強!你唔驚㗎?」Brenda 心心眼地說。
「驚㗎,但係都無計啦,我要保護我女朋友㗎嘛。」Mike說。
「嘻嘻,你將來一定會係個好老公。」Brenda 說。

在上世情人與今世情人的比拼中,Mike先奪一分。

P.S. 本故事純粹虛構,我屋企隻小強仲未捉到,現跪求捉小強方法!

作者 Fb:小盛女

圖片來源 : 網上圖片

啱睇就Like埋我地個Facebook專頁
十分可愛(可憐沒人愛)的淑(熟)女,享受自嘲自諷的life style,仍然相信"Nothing is impossible"的老土金句。

Leave a Comment

Your email address will not be published. Required fields are marked *