吹水皇的膳食房:中國的辣椒菜色

吹水皇的膳食房:中國的辣椒菜色

甜酸苦咸辣,眾多嘅味道之中唯有辣並唔係味覺。

我地嘅舌頭上有唔同嘅味覺位置,例如舌尖就係甜,底就係苦而辣就係一個痛覺。

如果你有懷疑,可以試下將糖同辣椒分別先後放喺你下陰部份,你就可以證實其實真偽啦~(但先旨聲明有咩問題,唔好追究我)

辣椒本來就出生喺南美洲,直到哥倫布發現新美洲之前其實全個世界都無辣椒,更加唔好講話用嚟煮菜。

直到明朝時代,辣椒先至真正傳入中國,但當時呢種「來佬貨」只係一個種用嚟欣賞嘅植物,到後來就被人認為有藥用價值:能幫助消化作用、促進循環和停止潰瘍出血等等

後來辣椒喺中國落地生根之後,先至有人用嚟煮菜。

【川菜】

講辣椒相信好多人都會聯想中國嘅川菜。

水煮魚片,麻婆豆腐,麻辣火鍋,一片紅色麻辣嘅香味,令人食到大汗淋漓,相信就係川菜比大家嘅最大印象。

但未有辣椒嘅川菜,到底又係咩樣嘅呢?

其實以前中國四川(大約喺蜀國個位置)由於地利位置,濕熱難當所以會有追求辛辣嘅飲食文化。

當時佢地喜歡用花椒,薑,茱萸同胡椒嚟做調味。

而我地平時見到紅當當嘅川菜,其實就係清朝以後先至出現川菜。

當中數就以四川人,貴州人,湖南人,最食得辣啦 ~ 所以內地都會有句說話講:

「四川人不怕辣,湖南人辣不怕,貴州人怕不辣」

到底三者有咩分別,四川代表麻辣,佢地喜歡加入大量花椒以追求一種舌頭麻痺嘅感覺;湖南追求香辣,剁椒魚頭就佢地代表;貴州獨愛酸辣,泡辣泡菜絕對係佢地桌上必備。

追求食辣嘅人,無疑係有種自虐嘅心態所以係有種心理學家認為特別愛辣嘅人,特別有冒險精神(呢句我就唔多信,我淨係信自己有少少自虐!哈哈)

不過食辣太多對身體唔好,尤其係三哥啲味精米線就少食啦。

___________________________

教大家做一個少少嘅料理,就係泡椒啦!~

首先準備好新鮮辣椒,去皮蒜粒,薑,少少花椒,然後煲滾熱水加鹽(味道你預係同海水差唔多咁咸就得)

等到水完全室溫之後,將鹽水倒入玻璃容器,就可以將以上材料加入去(記得揉乾食材面上嘅生水,因為有一粒生水都會令到成樽嘢變壞架,就好似 CY 咁)

封好之後大約兩個星期,就會出現酸味。

將泡椒,泡蒜,泡薑切粒用黎煮麵或蒸魚都係無L敵架!

___________________________

作者 Fb:吹水皇的後花園

圖片來源:吃辣幫

啱睇就Like埋我地個Facebook專頁
港豬廢青一名 只想吃喝玩樂不勞而獲 不求踏實地但求公屋有期

Leave a Comment

Your email address will not be published. Required fields are marked *