愛情試用期

愛情試用期

每次轉新工都必定會經歷「試用期」,一般為三個月,顧主和顧員屬於不穩定關係,七日內的話只需一日通知便能「拜拜」,正常打工仔都會在試用期內好好表現自己,上班只有早到永無遲到、態度有禮、笑容滿面、熱心主動幫忙同事、做事有效率,甚至加班也毫不計較,為的是希望能順利過渡試用期,簽長約,享福利。

愛情和工作一樣,暗暗中也有一個試用期,只是界線比較模糊,可能一個月,可能半年,甚至可能是一年或幾年。Brenda 還記得未和 Mike 拍拖的時候,每次約會他都會比自己早到,而且一早想好去吃甚麼餐廳,中西日韓泰越都有,當然還會預早訂位,如果要等位的話便一早去排隊,睇戲的話便上網買好票。每次約會都有不同的活動,上山下海永無悶場,一時去南丫島享受大自然,一時去市集做藝文青,閒時又會送上小驚喜或小禮物,當然還有數之不盡的甜言蜜語和關心。

「又遲到,你幾時先可以改吓呢個壞習慣呢?」Brenda說。
「Sorry 呀唔知醒,我哋去邊度食lunch?」Mike說。
「唔知喎,你提議啦,次次都係我。」Brenda說。
「Er…對於食你熟啲嘛。」Mike說。
「你記唔記得你上次帶我去食新嘢係幾時?係前年我生日。」Brenda黑面說。
「係咪肚餓呀你?定m到?一係去沙爹x啦好無?」Mike說。
「又沙爹x,咁食完飯你諗住去邊?」Brenda說。
「無呀,周圍行吓囉,同你一齊去邊同食咩都咁開心啦嘻嘻。」Mike說。
「唔好話你無心諗,懶到死!」Brenda說。

另一半是否過了試用期便會原形畢露?與追求時不同是否代表沒那麼愛了?也不一定,只是情侶一起久了便會開始做回自己,正如 Mike 的性格真的很隨心,去哪裡吃甚麼也沒所謂,而 Brenda 則比較喜歡計劃又為食,所以總會安排好每次約會的節目,其實一凹一凸是 perfect match,只是女人久不久總愛呻幾句,希望男人再花多點心思在自己身上而已。同樣地,試用期的 Brenda 約會時也會化妝打扮,現在都只是素顏Tee 恤短褲,Mike也沒有介意,反說簡簡單單便好。

「搞錯呀,周年紀念都無特別準備,起碼都畫張卡啦,點解你咁唔浪漫㗎?」Brenda說。
「我呢啲靠平時㗎嘛,你估我剩係特別日子先對你好㗎?」Mike得戚地說。
「你最叻就係把口囉。」Brenda無奈地說。
「嘻嘻,咁今晚食咩?」Mike說。
「一早 Book 咗間西餐啦,有你最鍾意嘅心太軟,跟住嚟啦。」Brenda說。

沒有人是完美,縱使伴侶性格上有缺點,經常遲到、脾氣差、小氣、懶、不浪漫,外表又沒有吳彥祖般型英帥靚正,你仍然會覺得他是最好,因為你沒有忘記生病時他對的你細心照顧、無論多累多晚他也送你回家的堅持、令你開懷大笑的幽默、還有安慰在工作上遇到不快的你、而且永遠支持你,這些生活上的一點一滴都充滿著愛。至於愛情試用期?已經在不知不覺的時候消失了。

作者 fb : 小盛女

圖片來源 :網上圖片

啱睇就Like埋我地個Facebook專頁
十分可愛(可憐沒人愛)的淑(熟)女,享受自嘲自諷的life style,仍然相信"Nothing is impossible"的老土金句。

Leave a Comment

Your email address will not be published. Required fields are marked *