女人其實好怕另一個女人喺背後讚自己靚

女人其實好怕另一個女人喺背後讚自己靚

「阿 Mike 個女朋友真係好靚架!笑得又甜。」被喻為公司女神嘅 Vivian 說。

「堅唔堅呀?有無相先?」同事 Ricky 說。

「堅過石堅啦,唔化妝都靚!皮膚仲好好添!」Vivian 繼續說。

「有圖有真相!快啲拎張相嚟睇吓啦!」Ricky 興高采烈地說。

「咳咳,其實呢個 product 都幾趕,我已經諗咗個 draft,你哋望望。」Mike 說。

「阿 Mike 唔畀相人睇架,做嘢先喇拜。」Vivian 說。

Mike 剛轉了新公司,正常都會有一堆八卦同事查家宅,「有無拍拖呀?拍咗幾耐?有無相睇?幾時結婚?」即使他心想:「關你哋班友仔叉事咩?」表面上他仍然微笑地答了所有問題,唯獨是堅持不拿照片出來,因為他應承過女友 Brenda 是不會亂放合照給同事看。可惜醜婦終需見家翁,有天就被女神同事 Vivian 撞到他們拍拖,最慘的是 Brenda 素顏、戴眼鏡,著了件卡通 Tee 加短褲,面對著了貼身低胸衣加短裙,化了妝戰鬥力 1000000 的 Vivian,Brenda 唯有唱出 Eason 的飲歌:「只能說我輸了。」並很想立刻掘地道走。

「自從上星期六撞過 Vivian 之後,佢成日都喺公司讚你靚,仲話約出嚟一齊玩添!」Mike 不以為然地說。

「SHIT!我最怕就係咁,跟住你啲同事就會幻想我真係好靚,但根本唔係。」Brenda 擔心地說。

「你喺我心目中永遠都咁靚。」Mike 說,油腔滑調一直是他的特色。

「點解 Vivian 成日都要喺公司度講起我?其實佢根本唔係想約我,佢想約你啫。」Brenda 無奈地說。

「你諗多咗喇,點會呢。」Mike 說。

「女人直覺準唔準,遲啲你就知。」Brenda 說。

女人其實真的很怕另一個女人在背後讚自己美或提起自己,宮心計,電視都有做啦,通常有女人無緣無顧讚自己,都會自我啟動警報系統,懷疑她是否有居心(Friend 底另計),因為她這樣說無形中會令其他人幻想那個女人真的很美,然後看到真人就會覺得:「唓,不外如事啫。」更差的可能是暗笑說:「吓,咁都叫靚?咁呢個世界咪無豬扒?」但如果本身沒有特別說美或不美,又或者只是說普通女人一個,那看到真人都可能還有一線生機說:「咦,你女友都幾靚喎。」

可能你會說:「超,有無咁誇張呀!人哋可能真係覺得你靚呢!又話人哋有機心。」只可以說:「男人,你真係太天真喇。」身為女人,是很清楚女人的心計可以有多覆雜,通常平時楚楚可憐,或者溫柔斯文的女人玩心計便是最厲害。如果你選擇和男人識穿女人的心計,你只是白費心機,他們是絕不會相信女神玩心計,反而覺得你才是玩心計的人,所以要對付女人,就只可以是女人。

「咦,阿 Mike,上次你咪話 Vivian 約哋一齊出去玩嘅,好呀我無問題,幾時?」

 

Photo: Flickr user Chris

作者 fb : 小盛女

啱睇就Like埋我地個Facebook專頁
十分可愛(可憐沒人愛)的淑(熟)女,享受自嘲自諷的life style,仍然相信"Nothing is impossible"的老土金句。

Leave a Comment

Your email address will not be published. Required fields are marked *