10 件英國人眼中香港人不可思議的生活習慣

10 件英國人眼中香港人不可思議的生活習慣

如果你覺得自己 so british 的話,咁以下香港人嘅生活習慣你更加會覺得千奇百趣。

1. 香港人真係好鐘意出街食飯。我返去香港一日隨時食足七餐,唔可以飲杯咖啡就算架咩?點解早餐都要外食架呢?(不過菠蘿包真係好正嘅。)

2. 係咁玩電話,去到邊度都立即搵 WiFi,去外國旅行會買電話卡。

3. 好鐘意出街,但明明出街都冇咩做;跟住唔鐘意出街就俾人叫做宅男,冇中間位架啵。

4. 一放假就要去旅行,但成日都去好相似嘅地方,做好相似嘅嘢(我挑戰你哋去北韓! Yo!)

5. 去旅行個行程真係好密,一個景點十分鐘影完相走人。去完好攰,仲攰過返工,不如唔好去,宅係屋企抖下好過。唉但又俾人話宅……

6. 成日都起唔到身,遲到都要碌手機,跟住例遲。

7. 成日都會見到有男人用 DSLR 幫女朋友影相,係咪堅冇用 auto 呃人先。景深呀 fa……

8. 大家鐘意著高跟鞋迫地鐵返工,到咗公司就換拖鞋(英國人係調轉,男人女人都係著波鞋返工再換)

9. 有時見到女士著咗靚衫之後又唔化妝,仲要繼續戴老套眼鏡,好似有少少未 ready 嘅錯覺。Generally 大家都注重保養多於化妝。

10. 好鐘意用可愛嘅飾物,手機殼,背包匙扣,家居用品,男女都可以有卡通人物嘅精品出現(而我有個布甸狗筆袋都俾英國朋友笑)唔理,我愛布甸狗。

當然,好多非香港人生活都係咁,我只係指出聽番嚟同留意到嘅港英之別啫,不喜勿插。

又來一發爛 gag,會心微笑。

多謝大家咁鐘意上一篇文章,留言講我知你想我講乜嘢 please!!Thank you!

 

Photo: 蘋果日報

作者 Fb:Midori 米多莉

啱睇就Like埋我地個Facebook專頁
直抒胸臆,隨筆愛情、工作、生活,細訴我這條魚乾老少女在倫敦奮鬥的點滴。

Leave a Comment

Your email address will not be published. Required fields are marked *