中學到現在,五年退後的人生

中學到現在,五年退後的人生

如果俾你揀多一次,你會點揀?人生真係冇 take 2,呢句說話講得多真係會厭,但係又有邊個會真係用個心去聽去領悟當中既意思。每逢身邊既朋友低落既時候,我都會鼓勵佢地重新振作,但係佢地到最後有冇真正去振作,又係另一回事。
「加油」呢兩個字,可以話係虛情假意,亦都可以話係人生甘露,最重要都係睇你點樣睇你自己。

勵志既文章寫得再多只會更累贅。只要真實發生過赤裸裸的教訓,人才會學懂去思考自己,就好像踢你一腳,你才懂得痛的原理一樣,紙上談兵的方法其實不完全有功效。你話如果我可以揀多一次,我會點樣做?我會勤力去讀書,唔會好似依家咁,做一事無成的廢青,如果……如果有如果,我知道這些都是在令自己更安心的藉口,好讓自己的自卑感不會那麼強烈。

畢竟人生需要學懂的東西還有很多,世界還很大,有時放眼未來也好過執著於從前的選擇。從中學畢左業己經有五年了,從前我都會埋怨自己為何在這五年不去好好讀書,而去打一些快餐店工作,啊媽成日都話我在幹沒出息的事,例如寫作,手作,畫畫。我一路都當啊媽講既野係耳邊風,因為年輕人總談熱血,夢想,什麼堅持類似的,我就是堅持不去聽,那樣會很挫我的自尊。因為我一直以為自己很偉大,很熱血。

其實真正融入不到社會既人係我,以住我都會反駁啊媽,說一些堅持夢想的理論,直到最近才明白到,追夢也要追得現實一點。因為五年來在餐廳打工的我都發現,自己比別人落後了好一個大拍。好多身邊既人見到我咁,成日都會同我講「加油!」但係我就每次聽完就算,人不是要追求進步嗎?呢五年,我竟然覺得自己倒後咁行,狀態勇氣一日比一日受挫。就好似係文首既一句

「如果俾你揀多一次,你會點揀?」

我相信呢句說話更加能夠令你想做好自己,退後既人生,唔係人人都想過。
儲了一筆錢,五年在餐廳打工的我,想著在今年重新投入學業,沒錯,雖然係遲左, 但係遲到好過冇到。在有生之年,盡力做好自己,

「加油!」兩個字。

 

作者 facebook: P’s:虐心者

啱睇就Like埋我地個Facebook專頁

純粹熱愛寫作,喜歡用黑白照上加上一段文字,和你訴說曾經。

One comment

  1. S says:

    Hi作者
    某程度上我同你幾似或者話大概而家好多廿幾歲既人都會有呢個心情
    不過唔同既係 我係畢業執左讀書之後先出黎做野
    反而覺得 唉讀咁多書做咩不如早d出黎做野儲下錢 咁我既目標就會快d達成
    所以我覺得冇既.. 可能犯賤既人類就係要可惜埋d自己冇做既野
    吃不到的葡萄是酸的
    但最緊要係搵到自己想做既野掛
    我估係咁 亦希望我估得岩啦..
    唉 有時覺得大家都係香港呢個現實社會到浮浮沉沉
    U are no alone

Leave a Comment

Your email address will not be published. Required fields are marked *