女朋友發脾氣,因為我太鐘意錫佢

女朋友發脾氣,因為我太鐘意錫佢

「唔好咁啦,地鐵好多人㗎。」Brenda說,並以手輕輕推開了 Mike。
「你睇吓,都無人望你,個個都掛住玩手機咋嘛。」Mike 在地鐵車廂內左望又望後說,然後又繼續錫錫Brenda 的面頰。

「都話唔好咁囉!唔係望唔望嘅問題呀,總之人多嘅地方你就唔好錫我啦,好尷尬!」Brenda 說。
「人多唔錫得,但係我哋又無自己嘅屋企,一星期先見一兩次,而家唔錫等幾時?」Mike 說。
「只可以話,呢個係土地問題。」Brenda 說。

大學時期,Brenda和爸媽到朗豪坊逛街,去過的都會知道那裡有一條長電梯,剛好他們看到一對小情侶在電梯上攬攬錫錫,像連體嬰一樣,然後爸爸皺眉說現在的年輕人真的不像樣,媽媽則說熱戀期都是這樣,更笑說如果將來看到在電梯上錫錫的人是女兒和她的男朋友會怎樣。爸爸回答說:「我唔認佢做女,咁隨便。」或許只是說笑,但 Brenda 都記在心中。

社會就是這麼不公平,即使男女當眾親熱,其他人也不會指責男人有問題,只會說女的不知醜、沒家教及很隨便。錫錫其實也不是甚麼罪大惡極的事,如果是蜻蜓點水般親親面頰確實沒問題,但不停錫或濕吻就真的不要當眾表演了。

有時在街上看到情侶不停互錫都會覺得很「眼冤」、很討厭,將心比己,所以 Brenda 也不喜歡在街上錫錫,特別在人多擠逼的地方,總覺得會惹來不少鄙視目光。可是Mike 則相反,他絕對不會理會別人的目光,無論何時何地都可以不停錫錫,縱然Brenda 已拒絕多次、甚至黑面,他仍然會繼續錫。在街上邊走邊錫、等車錫、上落電梯錫、吃飯錫、看戲錫、shopping 錫、打機錫。錫錫是情侶間溫馨親密的舉動,但如果在不合適的地點和時間進行,一切便不再浪漫,反而會有點煩。

「你可唔可以唔好再錫我?我專心唔到寫文。」Brenda 說。
「人多唔錫得,而家難得屋企無人又唔錫得,即係點先?你唔鍾意我喇?」Mike說。
「嘩,講呢啲!唔係唔畀錫,等我寫埋呢篇《女朋友發脾氣,因為我太鐘意錫佢》先啦。」
「好呀!等啲人評下理,有個咁錫你嘅男朋友你都唔識珍惜!哼!」Mike 說。

image credit: pinterest
啱睇就Like埋我地個Facebook專頁
十分可愛(可憐沒人愛)的淑(熟)女,享受自嘲自諷的life style,仍然相信"Nothing is impossible"的老土金句。

Leave a Comment

Your email address will not be published. Required fields are marked *