拍拖做得最多嘅,係等

拍拖做得最多嘅,係等

好多人話喺香港拍拖冇咩好做,嚟嚟去去都係行街睇戲食飯。點解會咁呢?要講香港可以去嘅地方其實唔少,行下大澳入赤柱漫步要消磨時間唔難,鐘意食嘅直入元朗就算唔疊羅漢都可以食個壽司然後掃下街。不過去依啲「偏遠地方」車程來回都成兩個鐘,唔約定早小小出門口過去嘅話到都可能日落西山:但要早出門口又談何容易?試問有幾多男人試過約女朋友午餐時間出嚟,結果等到下午茶都出埋,但女朋友依然化緊妝?

如果有個拍拖時間分配表,我諗等依樣嘢絕對會用咗男人一半時間。等女朋友去廁所、等女朋友諗嘢食、等女朋友收線、等女朋友瞓,無時無刻都離唔開個等字。如果淨係得依幾樣嘢等男人都冇咩所謂,但講到等女朋友出門口依個「大佬」就唔係個個男人都咁樂意。試諗下你約咗女朋友星期六去長洲玩,諗住去到先漫步下沙灘,三點幾坐係露天茶座飲杯嘢食件蛋糕放鬆下然後望埋個日落,最後食個晚餐再手拖手坐車返出旺角睇場戲,依日不知幾輕鬆寫意。點知你當日十點Morning Call你女朋友打極冇人聽,你就知噚晚同你傾到兩三點都唔肯去瞓嘅佢仲同緊周公捉棋。去到十二點咗右啦,你女朋友就會打返比你同你講睡醒叫你準備出門口,但佢喺張床玩電話磨到點幾兩點先肯落床化妝,甚至而家先沖涼。

時間一分一秒咁過,你一邊等你女朋友講「我出門口啦」一邊改你原本嘅長洲Plan:由漫步沙灘變為海邊影兩張相就算,由坐低細味咖啡到搵間茶記是但食啲嘢甚至取消埋,你不斷壓縮前半part行程希望食晚飯同睇戲唔會受影響。但當女朋友三點半先同你講搞掂哂嘢行得,你計一計會合佢再搭船出長洲嘅時間,發現分分鐘坐船入去長洲嗰陣已經可以欣賞到個鹹蛋黃。到最後你地又係出旺角行朗豪坊,又係喺旺角搵嘢食,唯一照你計劃進行嘅就係睇到你一早買定飛場戲。本來你想黑你女朋友面,但自知遲咗幾個鐘嘅佢一見到你就拖實你講句「對唔住唔BB」然後錫你一啖,你就知你除咗句「唔緊要啦」之外根本冇嘢可以講。

最諷刺嘅係好多時鬧交你都會比女朋友話唔肯花心思諗下放假拍拖去邊,話你唔著緊佢,話你淨係識去旺角銅鑼灣尖沙咀。依個時候你不妨大大聲講一個「屌」字,然後同佢講一句你一直都好想講嘅說話。

「你唔撚早啲起身唔一點前死到出嚟我撚有時間同你去遠啲啊臭閪。」

啱睇就Like埋我地個Facebook專頁
你有多久沒去找自己的理想?搏殺一天,回到家,倒頭就睡。無言,只因生存太累。談理想?妄想;毛言仍言,只因理想,本就是「理應去想」

Leave a Comment

Your email address will not be published. Required fields are marked *