當你十幾度唔會著短裙黑絲,就證明你已經唔再係青春少艾

當你十幾度唔會著短裙黑絲,就證明你已經唔再係青春少艾

「隻手凍冰冰你都仲話唔凍!」媽媽說。

「隻手凍冰冰你都仲話唔凍!」媽媽說。

「我隻手凍咋嘛,個人都唔凍!」我說。

「個人凍你死鬼咗啦,快啲著返件羽絨!」媽媽說。

「唔著呀!咁樣衰!我有羊毛底衫打底得啦。」我說。

「邊夠暖,一陣凍病呀!」媽媽說。

「唏,你有幾可見我病吖,我不知幾壯!」我得戚地說。

以往我寧死也不會穿羽絨,莫說是十幾度,即使是十度以下,我也不會穿。因為我只有一件白色長羽絨,穿了就像米之蓮車軚人一樣,一個字「肥」!所以無論多冷,我頂多只會加一件 superwarm 或羊毛內衣,還要是闊領或V領那一種,絕對不能露出來,因為會不好看。至於下身,當然是短裙黑絲,於是是經常也會被媽媽說我是「愛靚唔愛命」。

讀中學時校裙也一定會摺到上膝頭,襪的長度只能去到小腿一半,因為這樣顯得最瘦。很神奇地從前就算穿較少衣服,也不會覺得這麽冷,而且也真的很少病,可能當時還是熱血青年吧。即使畢業後在澳洲生活一年,頂多也只是病過一兩次。可是現在工作了幾年,不知為何非常怕冷,溫度稍降已經要出動羽絨、長褲、頸巾及暖貼,甚麼美不美已完全不在乎,可惜仍然是差不多每月一病,可能是休息不足,抵抗力差吧?

人大了便開始越來越注重健康,要早睡早起,要做運動,飲食要健康,因為知道自己 quota 已不多。從前會吃放題、自助餐,吃到十一成飽便覺得賺了,可是現在都只敢吃到八成飽。天氣轉涼一定要穿夠衣服,去戲院亦會帶外套。新年除了恭喜發財外,第一句一定是祝大家身體健康。

「嘩嘩嘩,你睇吓對面妹妹仔,咁凍仲著短褲喎!」我說。

「唓,你以前都係咁啦!」朋友 Crystal 說。

「講呢啲,今時唔同往日喇,而家我包到成隻糉咁都仲係覺得好凍。」我說。

「唉,老喇老喇,過多幾年又唔知會變成點㗎喇,以前……」Crystal 說。

「喂!個小丸子咖喱飯嚟喇,好得意呀!快啲影相先啦!」我說。

「我諗咁耐唯一無變過嘅係你仍然咁鍾意小丸子,我仍然咁鍾意小玉,哈哈!」Crystal 笑說。

人大了,或許行為和外表都會改變,但請繼續保持那顆青春的心。

 

作者 Fb:小盛女

啱睇就Like埋我地個Facebook專頁
十分可愛(可憐沒人愛)的淑(熟)女,享受自嘲自諷的life style,仍然相信"Nothing is impossible"的老土金句。

Leave a Comment

Your email address will not be published. Required fields are marked *