中學生涯完結 Last day 之後……

中學生涯完結 Last day 之後……

依家喺 Facebook 紛紛見到好多人 post last day 嘅相,令我回想起自己喺中學 last day 竟然幾乎一張相都冇影過。唔係講笑,果陣時根本都仲未預備好要離開校園,就己經到咗最後一日。直到出現咗好多嘅最後一日。最後一堂體育堂,最後一個早會,最後一次著校服,最後一個落堂鐘聲響起,直到走出門個一刻先知道,真係要離開校園了,要出外面對殘酷嘅社會。由個一刻先知道,自己擁有握緊未來的選擇權。

雖然你仲係好唔捨得間學校,甚至會花更多時間去懷念昔日的校園生活,翻開紀念册等等。
但係同時你已經要開始規劃你將來條路點行,繼續讀書定係出黎返工。由個一刻開始,你嘅人生開始由你掌握,而唔係喺父母手上。但係亦都會有人連諗都未諗過將來條路,到底點行。
「唉,呢 D 嘢,到時先諗吧!」

「啱啱先讀完書,俾我 hea 多陣啊!」

唔好講笑,其實由未考文憑試之前,我地都應該要有心理準備,就算成績最後考成點都好,由踏出校園嘅果一刻開,你嘅每一個決定都要開始為自己負責。由其係你出到嚟社會,幾乎有成千上萬嘅決定等緊你決擇。亦都有好多人由個一刻開始己經同自己認輸,成為左社會上所謂嘅「廢青」,無所事事,靠父母養活或靠綜援過世的大好青年。

好多人,會視告別校園為一個終結,其實反之,係一個進入社會嘅新開始。呢陣時,我地好睇自己嘅忍受能力同堅毅力,我所講嘅係忍受出到去隨時都會俾人頂同俾人問候嘅忍耐力,同努力堅持做好本份,不破混濁沖去的堅毅度。當你置身在社會工作,仍然找到自己,意志沒有被侵蝕,你才是屬於人生真正的王者。

所謂在贏起跑線上,成功靠父幹的謬論,
我認為,贏在踏出校園那一刻較為適合。

 

Photo: YouTube

作者 facebook: P’s:虐心者

啱睇就Like埋我地個Facebook專頁

純粹熱愛寫作,喜歡用黑白照上加上一段文字,和你訴說曾經。

Leave a Comment

Your email address will not be published. Required fields are marked *