唔好掉低我

唔好掉低我

睇到新聞話有個女人猝死,其夫撫屍激動道:「唔好掉低我!

我腦海就即刻浮現返早幾日喺一個 facebook page (No one saves you) 度見到果句:

“Most every goal you wish to achieve,

whether you realize it or not,
is a state of mind,
and not a physical event.”

Google translate (誤) 譯:

「唔知你意唔意會到啦,

無論你有幾咁想你嘅願望能夠實現,

佢地都只不過係一個想法,

並唔等於現實。」

反思完係心噏嘅,但亦係事實,事實就係有時有啲嘢唔係你話你好想就一定會實現。(係呀阿媽係女人都係事實)

例如我成日都會叫我身邊最重要嘅人唔好離開我、唔好早過我死唔好掉低我之類,亦會常常喺心入面 loop 住咁祈求,有時甚至會諗到喊 (某啲狀況下我好似係會有啲焦慮症症狀 sosad)。但現實係唔係只要我喊哂口咁祈求,個世界就一定會根據我願望去鋪排?Sorry其實唔係。就算我好想一個人唔離開我;就當佢都好唔想離開我,但世事確係無常嘅,可能有一日食肉菌、畜流感、巴士車禍、地鐵著火、電梯下陷就將佢帶走左都未定 (touchwood,我個「佢」字冇特指㗎好似係)。有時我甚至會諗:做乜鬼個世界咁唔人道㗎!點解個宇宙唔可以aware下每個人嘅心境?有啲人心理崩潰㗎啦個心流哂血死得㗎啦!點解可以尤得佢?但再諗深一層,其實我批判個自然定律做乜?好多時事物發生未必有是非對錯之分,佢就只係自然咁發生;或許一個人可以好似正常人咁有生有死,就已經係大自然給予我地嘅「人道對待」。而諗完一大輪或者我要做嘅就係唔好再胡思亂想,好好地同我心愛嘅人繼續盡所能,保持健康快樂咁生活落去。

又例如,你渴望薯片叔叔贏咩,但事實上你連票都冇。(媽呀我好似離左題)

或者香港人都係時候停止胡思亂想,FF 我地好似有得揀咁。不過有個事實要認清嘅就係,政治嘅嘢無關自然定律,人民唔一定永遠俾強權強姦;不過首先都係請你唔好再FF自己有票先……你呢個願望㗎渣,你自己唔身體力行去實現,個世界冇義務去幫你,你仲係俾人姦緊㗎,完。

啱睇就Like埋我地個Facebook專頁

Leave a Comment

Your email address will not be published. Required fields are marked *