唔知幾時開始,我做任何事都要變得迎合社會需要

唔知幾時開始,我做任何事都要變得迎合社會需要

唔知幾時開始,
我做任何事都要變得迎合社會需要……

社會的事,社會解決,至於生活在社會中的人羣,便因為要迎合社會的需要。而被逼扭曲自己,然而他們卻覺得自己正常得很。理由很簡單,因為被洗腦完,就不可以反洗腦。習慣了以這樣的一種畸形的形態生存著,久而久之便會不自覺自己已經變成了一個被「社會化」的人了。

迎合社會需要,便是一個類似宗教的入會模式。入會後,必須要被各式各樣的潛規則冲昏了頭腦,不能反抗。

例如……我唔讀書,我冇返工就係代表我唔入流,我對社會冇貢獻。我玩藝術,上網二次創作,改詞,玩音樂,我就係對呢個社會冇付出,唔知幾時開始,我會開始係度諗,自己應該點樣迎合呢個社會,以至於可以勉勉強強地生存下去。我係度諗,自己幾時可以儲到首期買樓,連諗住報讀既果門科目,都係被果份職業薪金吸引而報讀,而唔係真心想讀。

人生實在太悲哀,所謂自由意志,其實已經不知不覺被社會操控緊,錢,車,樓,地位,已經成為左你人生做重大決定時的必要考量。

我本身性格內向,但係為左迎合社會需要,我強逼自己要外向,每日都逼住自己去交際,冇計,呢個社會一向不看好性格内向的人格特質。歧視弱者,成為左一種潮流。為左令到生活更加好,我同左一個我唔鐘意但係好有錢既人結婚,為左,只係希望俾人睇得起。

無論我做咩自己鐘意做既事得好,係大人面前就係膚淺可言,無論我幾咁努力去做,冇成績,冇利益可言,我做既呢件事就係一種「無謂事」。賺到錢就係神仙,成功,賺唔到錢你就係做埋D不切實際既野。有陣時,社會要求你去點樣做,而你未必要真係要迎合佢,冇錯你會話係社會訓練成你咁,係社會叫你點樣點樣,規規矩矩去做一份好工,老細叫你做咩都做,做到成隻死狗都唔敢吠,做人要踏踏實地。呢句野,啊媽由細講到我大。

所以你永遠都唔知離地有幾好,因為你冇試過飛。果種無重力感。

我同你講,人生總要有一次,係要離地。

我說的離地是越離常規,放膽的不去迎合社會需要,只要一次便好了。但過程中你必須要忍受各種難聽的說話。雖痛苦,但那種做自己的快感卻是絕對的痛快。

不必理會什麼社會需要,
社會需要我們怎樣,怎樣。
不是我們要迎合社會,而是社會需要迎合怎樣的一個我們,然後,什麼標準請和我通通丢掉。

 

Photo: Tumblr

作者 facebook: P’s:虐心者

啱睇就Like埋我地個Facebook專頁

純粹熱愛寫作,喜歡用黑白照上加上一段文字,和你訴說曾經。

Leave a Comment

Your email address will not be published. Required fields are marked *