廢

由於時代轉變,大家嘅思想同諗法好容易就傳播出去。係我細個陣,就算我有一個幾咁白痴嘅諗法/說話,我講出口頂多只會比朋輩或者父母取笑或者指責;但今次係一個全球化嘅年代,一句說話就可以傳到全城皆知。

最近有一個小朋友因為購買一部 PS4 受唔住責備而自殺。

記得喺 17 年前左右,黃子華曾經用一段自殺新聞嚟做佢嘅話題:「一個後生仔因為唔見咗一啲網上嘅武器,就自殺。」個陣我同大部份人一樣,我笑。
的確,係可笑。

但今日望返,呢種事越發越多,我的確笑唔出聲。到底發生咩事?

係好似局長同一般中老年人所講,佢地呢一代太廢,少少壓力都受唔住定係呢個世界早就已經變同我地過去嘅世界完全唔同。

依家個個人(包括自己)都自言話自己係廢青。你試諗下係20年前,會有邊個咁樣先取笑自己?但偏偏今時今日個後生仔都以廢青為己任,唔做廢青好似根本就做唔到其他事咁。

望真啲。
其實可能係呢個咁進步咁快嘅世界,再容納唔到一班跑得慢(或者係某啲人眼中跑得慢)嘅後生仔。

既然大眾都內心都放棄佢哋,佢哋又何必愛自己?
我好了解一個放棄自己生命嘅人諗法,因為佢一定要需要極大勇氣/極度絕望先會行上呢一步。

但我只希望大家繼續愛自己生命,至少呢到會有一個人唔希望你咁做。

 

Photo: internet

作者 FB :吹水皇的後花園

啱睇就Like埋我地個Facebook專頁
港豬廢青一名 只想吃喝玩樂不勞而獲 不求踏實地但求公屋有期

Leave a Comment

Your email address will not be published. Required fields are marked *