致培正中學廢中廢老:弱智才以為赤腳行街可以行出舒適區

致培正中學廢中廢老:弱智才以為赤腳行街可以行出舒適區

面對住現今香港社會上面無數廢中廢老嘅攻擊同謾罵,廢青忍唔住要還擊喇!但點知啲廢中廢老搞到一哋花生殼,點解?因為佢哋學晒保良局啲衰嘢,竟然以為去赤腳行街就係離開舒適區,廢青好想了解一下到底呢香港培正中學嘅校長同老師個腦係做乜諗嘢呢?

我諗稍為有少少常識嘅人都會知道,赤腳行街,既唔衛生又易受傷,傷口處理得唔好就會有細菌感染,萬一唔小心比食肉菌選中咗就真係大檸樂,食肉菌最鐘意生存係海水同海鮮,傷口接觸海水已經足夠中伏。最近先有人因為唔小心比公廁沖廁水整到傷口而受食肉菌感染,難逃一死。培正學生仲要被安排赤腳去街市,到時有咩三長兩短,香港又少一個未來棟樑,然後就會有人出嚟講句「表示極度遺憾,同埋會盡力協助家屬及輔導有需要同學」,就咩事都無。係咪學生條命就唔係人命呢?係咪學生條命就唔洗重視呢?到時係咪講句對唔住就可以了事呢?唔啱不如叫培正校長同老師赤腳去行下街,唔知又會有咩感覺呢?

大家可以睇睇培正中學嘅學校通告係點寫:「為培養學生遵守紀律,建立信心、發展人際關係、發揚團體精神及幫助學生認識上帝」,不如又睇下赤腳行街呢個環節做唔做到上述嘅目的。

遵守紀律——係班廢中廢老眼中,呢班學生一定好有紀律啦,擺明搵佢哋條命仔較飛,都唯命是從,學校果然只係想將學生訓練成唔識反抗嘅奴才。

建立信心——赤腳行完之後一定信心爆棚啦,咁都無受傷,真係買六合彩都覺得自己會中。

發展人際關係——掂啦今次,一邊體驗唔著鞋,一邊同街市街圬傾計,親民過林鄭啦。

發揚團體精神——一班同班同學仔一齊發揮互助精神,齊齊攬炒等受傷。

幫助學生認識上帝——一個唔覺意就有人去搵上帝架喇,到時做埋好朋友,fd 過夾 band。

以上嘅諗法係咪好逆向,好荒謬呢?我都覺呀,咪就係好似你哋班廢中廢老咁囉,以為赤腳行街就可以行出舒適區,同班怪獸家長一樣,睇完《美女與野獸》就覺得小朋友被灌輸同性戀,同樣係值得被恥笑一世嘅事。

求下你哋高抬貴手放過班學生,唔好再弱智扮睿智,好嗎?

 

Photo: 東網

啱睇就Like埋我地個Facebook專頁

好多廢中廢老叫我哋做廢青,但佢哋唔明白,今時今日仲可以生活係香港嘅廢青,先係最堅毅不屈,最熱血無私。廢青唔係一種身份,係一種態度。

Leave a Comment

Your email address will not be published. Required fields are marked *