淺談飲食業呢一行

淺談飲食業呢一行

我試過一日返三份工,三份都係返餐廳,你覺得聽起黎好威,其實果陣我係連自己係邊個都已經唔記得,撲黎撲去,冇錯,咁樣你咪有好多工係手。好有安全感。

我啊媽話「啊邊個邊個好勁,返幾份工。」

但係其實,你顧唔顧到咁多野先,
最後,我拖住拖住咁,又辭左幾份。
直到,依家又開始拖住幾份茶記抄散,
嗱,咁辛苦又為乜呢,我真係唔知道,
我希望你可以話我知。

可以有咩出路?

「一係讀書,一係返工。」
我地呢一代人既選擇,係咪就只係剩番呢兩樣選擇,咪住!你漏左一樣「一係做廢青」。

但係無論選擇咩出路都好,你始終成日都聽到有人會同你講。
「你搵個男人嫁出去,咪唔使煩囉。」

對於咁多年都係冇著落既自己,我好清楚自己有一個問題,就係十分討厭異性。

因此,我撇除左自己會有人養既呢一點,我決定靠自己去爭返一口氣,但係,原來真係好難。

講返正題,做返飯食業既自己,前幾日去左招聘展,最後都係in左一份待應工,依家等緊電話,不過我相信好大機會會請,因為飲食呢一行真係永遠都缺人。唔好聽一句,勞動性高工種,永遠缺人,D人走完又返,返完又走。

所以飲食業幾乎係我呢D低學歷,候生仔女既不二之選,但係另外一個問題又黎呢,我已經二字頭呢!仲同DSE畢業生爭工返會唔會太……唉,轉做文職。

「我唔識打字,唔識用咩softword。」

呢D藉口亦都係無非想呃下自己,

「唔係我唔想轉文職工,而係我冇呢種技能。」

但係我都深知,我只係唔想離開呢個舒適圈,我鐘意每日踩十個鐘頭餐廳工,做餐做死都得果基本最低時薪。其實我唔鐘意返飲食業又可以點?

返死一行,用黎形容我既境況最貼切,而我自欺欺人既果一部份,又真係抵死自己一世冇出息。
望住畢左業已經五年,仲係做緊飲食業既自己,我望唔透,係招聘展中除左好多應屆DSE考生,當然仲有好多好似我咁既浮雲,係過往工作經驗果欄呆左,因為我返過既餐廳工已經多到,容納唔到果一欄,但係我最後一隻字都冇埴上去。

因為,我想永遠保持著對飲食呢份行業既新鮮感。

 

Photo: TOPick – 經濟日報

啱睇就Like埋我地個Facebook專頁
純粹熱愛寫作,喜歡用黑白照上加上一段文字,和你訴說曾經。

Leave a Comment

Your email address will not be published. Required fields are marked *