《詭探》小評

《詭探》小評

想講下《詭探》但自己又唔係專欄平台寫開,唯有咁樣樣吹下。

其實我唔係咩影/劇評人,只係平時食下生花嘅故事寫作人。

標明「故事」係因為我鍾意睇香港唔流行嘅故事。

今次突然想講一講ViuTV嘅《詭探》,就更係唔專業嘅評論啦!

但好想借呢個機會發表一下自己意見。

係ViuTV留言到見到好多人去批評呢套嘢,包括我都忍唔住要插兩嘢,

目的唔係想抬高自己,而係真係「好難睇」……難睇到一個點,

我竟然轉台去到王晶個邊先決定熄電視……

唔係因為我想睇王晶(見埋亞叻都真係熄都熄唔切!),其實我連J5都轉埋去睇下有無嘢睇,

又係真人SHOW、唔係就旅遊、飲飲食食……真係「挑那星」……

我想睇港劇呀……我想睇下香港淨返幾多個電視演員,唔係藝員呀!

可以見返邵仲衡尹揚明係電視到,幾開心!

SORRY吹遠咗。

我將《詭探》比喻成亞視嘅作品咁去睇,

演員唔係唔得,劇本唔知係咪真係得,但個製作就真係亞視咁……

我呢啲比宜家香港市民低小小嘅審劇標準下,

我只會覺得係「好睇」或者「唔好睇」。

問我點解我真係講唔出,不過就試下用一個我有小小印象嘅畫面,而唔係大家成日講嘅失敗位。

我記得有一集《詭探》,我真係就係因為個場戲而決定熄電視,唔再睇。

(我諗唔係大家成日踩個幾場,聽聞好段越做越爛,低處未算低?其實我唔係好信,係我哋太MEAN即。)

講返嗰場戲,係三師兄弟完咗結界單嘢(CCTVB最近好似又係出同一條橋做劇),

三個一齊食飯、之後飲酒講繼承嘅嘢。

分咗食飯一場戲、飲酒講繼承一場戲,

當時我睇嘅反應係……

「咩事呀?咁都要分兩場戲嚟拍?講完等於無講嘅對白,飛紙仔都唔會啦……」

因為真係唔知佢地做緊咩,唔多記得個戲係做咩,印象中有小小大頭,比下反應,之後就飲酒入繼承個場戲,

如果之前場戲無咩用,做咩唔直接一開始就入飲酒,再做好啲舖排呢?

多個場景……畫面多啲嘢睇呀?

之後又係好直接咁,大頭、講嘢、對望、大頭、講嘢……

可唔可以要返個WIDE嚟先入焦點嘅大頭呀?有返啲層次得唔得呀?

仲要啲對白好似唔知自己講咩咁,定係尹揚明同邵仲衡唔知自己係咩角色咁,

車保羅就最入到戲,因為佢角色最鮮明,好搶Focus。

所以呢一點我真係唔知係編劇、演員、導演出咗問題……

點解會覺得係亞視嘅製作,因為亞視演員離開咗亞視之後不知幾好,

即係話佢哋嘅唔得囉……

又或者可以話係香港好睇嘅演員唔留係香港,所以亞視嘅演員咪上到位。

宜家連應該得嘅演員,都好似唔係咁好睇……

會唔會其實仲衰過亞視先?

OK,我明,要比新人試,絕對係好事。

就算編審睇完幾爛都要出街,

可能係好事(不過又可能係編審都唔知咩叫好睇,總之你就出街啦,宜家無嘢播!)

但係……咁會唔會有改進嘅意見比到佢哋?

我一直都好擔心,批評如果可以令佢地做得更好,有多啲話題比你哋賺廣告,

公司就可以比更多資源做好下一套,我就唔介意踩多幾腳,

不過下次真係要做好啲。

嚟緊《瑪嘉烈》又返嚟,我估都係同綠豆咁,保持到水準已經可以,
(但其實我唔睇,因為呢類劇我情願睇書)

至於《詭探》之後呢一班人嘅製作,會成為歷史定係可以再原班人馬做一個爆炸性嘅反彈製作,我會係期待後者。

因為咁先真係可以令港劇好睇嘅方法,唔係唔得就即刻CUT,

係反而要比更多嘅空間同資源去改進做好啲!

如果一次衰咗無下次,或者轉形嘅話,

咁呢次失敗又有咩意義呀?

 

真心希望ViuTV可以做好啲。

 

https://www.facebook.com/andy729huiblog/

#多媒體廢作人 (沒有什麼評論,只是網上寫奇幻故事的人)

啱睇就Like埋我地個Facebook專頁
歡迎各位讀者踴躍投稿,來稿請電郵至 info@menjap.com

Leave a Comment

Your email address will not be published. Required fields are marked *