呢個世界真係咩人都有(食客篇)

呢個世界真係咩人都有(食客篇)

情境一

幾個大陸客去餐館食飯,叫咗好多餸,食飽準備埋單。
「食物份量太少!不夠吃!這個價錢不值啊!」客人A說,然後成班人喺度大吵大鬧,同事想息事寧人,於是竟然免佢加一。
「免加一怎麼夠!多送我兩個菜吧!還有這個不太好吃,幫我取消,否則我不會再來!」客人A說又說。
「不好意思,這個我真的做不到了。」同事面有難色地說。
「搞錯!食物不好吃,份量又少,服務又差,我一定會投訴你!」客人A說。

P.S. 其實得寸進尺,R著數嘅人真係多的是,你話如果啲嘢食有怪味或者變壞咗我當然可以換畀你或者幫你取消,但係你話份量少我真係幫你唔到喎,頂多你唔好再嚟嘅啫。

情境二

「我都係想轉凍檸水,你幫我轉。」客人B說。
「無問題,麻煩加3蚊。」侍應說。
「凍飲點會要加錢!加粒冰咋嘛!冰咪即係水!你叫你腦細出嚟見我!」客人B說。
「唔好意思呀公司規矩真係要加3蚊。」侍應說。
「你搵最高負責人同我講!唔係我唔走。」客人B說。
「唔好意思呀公司規矩真係要加3蚊。」經理說。
「XYZ$*#^@&*^*@」客人B說,然後過咗一陣佢無癮就自己走咗。

P.S. 其實香港人壓力係咪真係太大?你估腦細咁易見嘅咩?唔好傻啦。

情境三

「你好,請問有咩幫到你?」侍應說。
「好咩呀好!好你條命呀?你做咩眼金金望住我呀!」客人C說,於是接待員便轉身避開她的目光。
「你做咩搵個背脊對住我呀!無禮貌!我要去投訴你!」客人C說。
「我怕你唔鍾意我望住你所以先…」侍應說。
「你竟然夠膽駁嘴!」客人C說。
「你做咩唔出聲呀下!」客人C說。
「你頭先話我駁嘴所以我唔出聲住,等你講咗先。」侍應說。
「嗱!你又駁嘴喇而家!你哋無人性㗎,嘢又唔好食,服務又差!睇住比天收呀!人在做,天在看呀!畀啲咁嘅嘢我食!」客人C說,下刪一萬字。

P.S. 遇到呢啲情況最好唔好出聲,由佢自己一個人講,講到佢無癮佢就會收檔,因為你每應一句又會畀咗位佢入,繼續鬧爆你。

究竟係呢個世界太多傻人定係大家本來都係正常,只係太大壓力需要發泄?抑或係以上情況其實都好正常,係我唔正常?

 

facebook

啱睇就Like埋我地個Facebook專頁

十分可愛(可憐沒人愛)的淑(熟)女,享受自嘲自諷的life style,仍然相信”Nothing is impossible”的老土金句。

Leave a Comment

Your email address will not be published. Required fields are marked *