男人對手係用嚟拼搏,唔係打人

男人對手係用嚟拼搏,唔係打人

身為男人,打女人打細路都係最可恥嘅行為。

無論個女人再賤,無論個細路再百厭,你可以鬧,可以屌,但當你一郁手就係你錯,依個道理我信到而家。身為一個男人,你雙手應該係用嚟搵錢養家,保護屋企人,而唔係將自己嘅情緒用武力去發洩係他人身上。

帽我帶過,又比人玩過,你問我嗰刻唔嬲,唔憎恨眼前嗰個女人咩?我直頭想佢不得好死——但再嬲都唔可以郁手,依個係我比自己嘅底線。但當你諗返你曾經用依對手拖住佢、輕撫佢髮絲、或者係摵佢塊面,甚至係應承佢靠雙手去建立你地嘅家,你就知雙手係要為一個女人帶嚟幸福,而唔係一個又一個嘅傷痕。你可以用言語去表達自己嘅憤怒,你可以行開然後一口氣食哂一包煙,但一拳一掌都唔可以打落一個女人身上。你話唔公平?點解女人一巴車落嚟就得?我屌你咩,計較依啲你不如唔好做男人,又唔見你搵民建聯爭取男人個個月要嚟 M。

細路百厭上嚟真係好煩,特別係我返工見唔少極品,衰啲講句如果佢跑跑下仆街再喊我都唔會去扶佢。但郁手?唔好玩啦,男人老狗要用武力去對付一個細路,到底本身要有幾垃圾先做得出。大家都做過細路,大家都明白你打完佢根本就唔會明你點解要打佢,佢只會驚。佢唔食飯你咪餓佢半日,佢唔著褲咪唔好帶佢落街玩,你要教一個細路有千百種方法,但郁手肯定唔係其中之一。老屎忽好鐘意講棒下出孝子,係啊係啊,咁點解而家老人院咁多啊婆啊伯一個人等死啊,點解屋村咁多孤獨老人啊,孝唔孝順根本就係睇為人父母有冇用心為個仔女,有冇愛護佢地。如果打就係好事,黑社會下下開拖咪好撚大愛?

我唔明身為一個男人,點解會忍心打一對手無寸鐵嘅婦孺,仲要係自己嘅屋企人,理論上最親,最應該保護嘅人。你每打一拳,除咗令對方對你心碎失望,更加係磨滅緊你身為一個男人嘅資格。教不嚴父之過,下次你要嬲細路唔聽教,不如諗下你有冇好好教過佢。

乜都淨係識講手嘅男人,死不足惜。

啱睇就Like埋我地個Facebook專頁
你有多久沒去找自己的理想?搏殺一天,回到家,倒頭就睡。無言,只因生存太累。談理想?妄想;毛言仍言,只因理想,本就是「理應去想」

Leave a Comment

Your email address will not be published. Required fields are marked *