當寫作涉入「專業」兩字

當寫作涉入「專業」兩字

我想寫咩就寫咩,通常好多作者都會咁諗,但係其實寫作一旦被涉入「專業」兩字,其實好多讀者都會好睇你文筆,文章質素,結構鋪排都好唔好,而唔係只係你為左抒發感情而寫既文。
呢陣時,你既文章難免會遭受強烈既抨擊,例如,錯字,文法,內容,標點符號,都會有可能俾人捉到蟲,無解,因為當寫作變得商業化,我們更需要更認真更嚴格地修改每篇文章不足之處。

就好似你成為左一個小編輯或者幫其他人改文既人都好,你都開始著重左文章既整體,而唔睇單一味覺得好睇就好睇,唔好睇就唔好睇。
有陣時你需要賺取輕薄既稿費,你需要寫愛情文,你就要迎合呢個市場,寫D啊媽係女人既野,同埋一字記旦,短。

跟住個潮流又寫港女,寫D濕尻野,總之夠短,言詞夠爆,能夠引起人爭論既觀點,最怕就係你寫文寫得唔夠賤格,最終沉左落大海到。
我都係呢幾年先覺悟到係網絡生存既作者,都係好難寫到自己鐘意既野黎搵食,通常都係寫啱大家口味嘅文黎留住讀者,為的也是等到逐漸有名氣時,才寫回自己想去寫既野。

其實有冇必要咁作賤自己呢!有,因為當你己經視寫作為職業時,就點到你唔去焗住寫。

出賣靈魂,就係預左架呢!

文人都要搵兩餐食,但你靠寫作黎食飯時,你就要視寫作為一份工作,即是昧著良心去賣命,和每份工作一樣,你可以閉起半隻眼睛來寫商業文來,面對住廣告商既種種限制,然後工作結束後,你又寫回你喜歡那種類型的文章。

說到尾,當寫作純粹變得不再為興趣而寫,
文字變得有價,讀者便會變得更有要求,
付錢買回來的字,讀者都希望的值回金額的,
而不是你純粹為抒發感情而寫的一篇9up文。

 

Photo: CareerMetis.com

啱睇就Like埋我地個Facebook專頁

純粹熱愛寫作,喜歡用黑白照上加上一段文字,和你訴說曾經。

Leave a Comment

Your email address will not be published. Required fields are marked *