降低底線

降低底線

呃鳩自己可能好蠢,但永遠都可以好快樂。

就係上星期我見班當年比人迫到飯都無得食,屋都無得住嘅人突然見到一架二手遊艇就開心到流哂眼水,又話依家佢地好強大好值得信賴而另一邊又就繼續留係呢個「卑賤」嘅地方生活。

你會笑佢地蠢,但佢地絕對比你快樂。

富爸爸今朝同一班朋友又係到問我點解無女朋友,我無答,因為我知道佢地根本唔係想知點解,只係想串我。

「其實單身都可以好快樂嘅。」同樣係單身狗嘅呀旦出聲,因為佢知道下個被串嘅就係佢。

「其實單邊春袋都可以好快樂嘅。」富爸爸迅雷不及掩耳嘅諷刺技倆已入無人之境「其實降低底線唔係唔好,不過做人就唔好成日呃鳩自己囉。」

係,單身嘅都可以好快樂,只要佢真係好鍾意單身就係。

窮都可以好快樂,只要佢真係好鍾意自己窮就得。

一如以往,不論大家傾乜嘢都好,最終都係會不斷咁串呀旦為收尾。

富爸爸講:「我諗到一個成功人士嘅必勝方程式!」

「只要設定你嘅人生目標係個一無是處嘅廢人,你就可以馬上成為成功人士!」

啱睇就Like埋我地個Facebook專頁
港豬廢青一名 只想吃喝玩樂不勞而獲 不求踏實地但求公屋有期

Leave a Comment

Your email address will not be published. Required fields are marked *