孽主(三)

孽主(三)

呢位李小姐,我留意左佢好耐。

係,無錯,我對佢充滿住性幻想,而且仲係瘋狂熱烈再加少少SM嘅衝動性幻想。雖然佢已經年過35(我估)但佢個種韻味真係唔平常人有。
烏黑秀髮,粗框眼鏡,令佢成熟得黎有幾份神秘感,尤其係佢個對雪白嘅腿,每次同𨋢我嘅視線離唔開佢身體,然後慢慢……向上…..向上….

「你恐嚇我呀!?!?!」李小姐一聲將我從淫穢嘅幻想中扯返黎現實。

原來已經有幾位大漢包圍住李小姐,而馬生亦係身邊準備推開個個班大隻佬。估唔到一個女人仔都夠膽同班大隻佬對峙,反而在場一班大男人就完全無諗過幫手。

唔知咩原因,我竟然打算行前一步去幫手勸架,我一邊行,一邊叫自己停,但我個腦好似已經被個種雄性為咗係雌性面前拎威嘅慾望完全控制哂。
係個幾秒間,我係有幻想過自己呢個已經40幾歲嘅人,一陣就會好似李小龍行入虹口道場咁,一拳一個咁打爆哂呢班大隻佬!

「啪!」 一肘,鼻血直流。

係,係我鼻血直流。

我只係行入個範圍,而其中一名大隻佬都無留意身邊有我呢件呀叔,佢正想轉身就已經打咗中我!我痛到立即跪左係地下,眼水同鼻血就立即流過不停!

「哦!!你地郁手打人!」唔知邊個人係到講,而其他人亦都跟隨住

「哦!!!!你地!!!!哦!!!!哦!!!!」

個班人無諗過郁手但偏偏就打到我爆哂江,呢一刻反而變得更加尷尬,不斷係到講:「咩呀!關我咩事呀!係佢自己唔少心之嘛!!!」
林生見情況唔對路,一陣搞到報警反而仲麻煩,立即叫個班人離開。

呢個無心嘅誤會,反而解決咗呢次緊張嘅危機。

「張生,你使唔使去醫院呀?」李小姐呢把溫柔嘅聲,而另一隻手又係撫摸住我肩膀,好變態地我竟然有啲扯旗嘅感覺!

「嗯……嗯……我無事。」我一邊掩住個鼻起身,一邊又按住褲頭廢事比人發現我扯旗。

「張先生,好彩你今次出手幫助,如果唔係可能受傷嘅就係我呢個老野。」馬生向我送多真誠嘅致謝。
當然其他人就梗係附和下幾聲話我乜乜柒柒,真心英雄,仲有件粉腸仲話想幫我打個牌添。

真係屌你老味丫。

雖然同李小龍個劇情好似有啲出入但算係好結局,正當我諗住那那聲返歸止止鼻血嘅時候,李小姐就講:
「張生,不如你過黎我屋企,我幫你止血丫。」

嘩!
我啲血立即去左下半身。

自問同老婆拍拖到結婚,J就打唔少,唔好講話偷食叫雞,就連同女人有個單獨相處嘅機會同膽量都無。
不過!我地係好純潔,人地只係想幫我止血姐,止血,我都算係救命恩人係咪?好簡單,無任何邪念……無……無

頂,又硬左。

李小姐住係13樓,而咁多年我都知道,佢係一個人住,而且我肯定佢屋企一定係有好多公仔,因為時不時都會見到佢拎住一袋二袋Hello Kitty返屋企。
我已經準備好除哂衫訓落D毛公仔到囉!呵呵

門一打開

但原來並唔係我諗到咁樣,佢家居擺設簡單到好似無印良品咁,不過我理得佢裝修到無印良品定優之良品,我淨好想試犯下天下所有男人都應該要犯下嘅錯呀!

我嘅一本正經嘅虛偽外表下層埋藏咗野獸般嘅慾望,頂。但每次去到呢啲位,我又會掛住自己老婆同個仔,真係好犯賤呀!
係呢個咁矛盾嘅情況之下,李小姐就好溫柔咁將我鼻入面嘅血紙拎走

「原來已經止左血啦。」梗係啦,啲血都去哂下面。

雖然我內心係咁幾禽獸但事實我真係從來試過做呢種事,但男人嘅本性令我嘅視線開始由佢小腿慢慢升到佢嘅胸前,雖然比起自己老婆唔算大波,但佢平均身材真係令到我……嗚呀!

「你真係好勇敢,頭先得你一個男人肯起身黎幫手。」

岩啦岩啦,快啲報恩!我已經準備好架啦!快啲啦,我好想要呀!!!!

「好似你啲咁出色嘅男人……」

好似螢火蟲咁丫嘛!?快啲將你嘅頭捱落黎!然後我再將我另一個頭拎出黎……

啱睇就Like埋我地個Facebook專頁
港豬廢青一名 只想吃喝玩樂不勞而獲 不求踏實地但求公屋有期

Leave a Comment

Your email address will not be published. Required fields are marked *