我就係鍾意聽 Twins 嘅歌

我就係鍾意聽 Twins 嘅歌

不如意事十常八九,久唔久都會遇到錯折或者唔開心嘅事,例如工作壓力大、畀客鬧、畀同事屈食死貓、同屋企人鬧交、失戀等等。平時我除咗寫文抒發之外,其實仲會聽歌,特別係Twins嘅歌。點解揀聽Twins嘅歌?因為佢哋唱歌好聽?傻啦梗係唔係,要聽靚聲一定係聽舊歌,彭玲、張學友、陳百強等等,聽Twins嘅歌,係因為佢哋一直陪住我成長。

好多時聽 Twins嘅歌會令我諗返起以前學生時期嘅生活係幾咁開心,嗰陣真係可以話係天真無邪,無憂無慮,唔使成日諗人哋到底諗緊乜,佢講呢句說話係真心定想串我?呢個人對我咁好有咩目的?點樣先可以上到位?頂多都係驚默書唔及格,測驗考試唔識答,或者係呷醋 best friend好似同另一個同學仔friend啲。

唔同時段係會聽唔同嘅歌,當中愛情係佔咗好大部分,暗戀嗰陣就梗係要聽《戀愛大過天》或者《下一站天后》啦。

同學愛新鮮 戀愛大過天
想不想也日夜懷念 連甜夢也不夠甜
當然 現在我未成年 讓我膚淺
只知戀愛大過天

幾多愛歌給我唱 還是勉強
台前如何發亮
難及給最愛在耳邊 低聲溫柔地唱
其實心裡最大理想 跟他歸家為他唱

 

 

熱戀就會聽《愛情當入樽》喇。

(從大地上躍起 為初戀打打氣)是幾比幾都有驚喜 ohoh
(從烈日下跳起 讓我為你打氣)
籃球在滿天飛 (為何望見的只有你)

 

 

鬧交就聽《精選》。

只想從前的溫馨 不數從前的罪證
怨懟過盛 忿忿不平
會煞掉幸褔的迴聲

失戀就聽《眼紅紅》或者《救生圈》,可以喊飽佢。

我最初臉紅 現在雙眼通紅
再幼稚還是覺得戀愛如夢
我再不面紅 但愿不再沖動
愛到入城大也分開 預計之中

原來承諾一早消散不可兌現
忠誠變做感情裡的弱點
從前 童話 終於 給你親手破滅
說穿了 你只當我救生圈
就拋出海再算

人生又唔係淨係得愛情嘅,仲有友情,畢業嘅時間梗係聽《我們的紀念冊》啦。

還未學習怎麼紀念從前
便發覺要懂得擁抱明天
囑咐都當諾言 以後不知會點
大個當然會善變

聽《幼稚園》就一定會諗起屋企人。

不要走 大鐘即使敲響 你別放開手
成年後 什麼都不可再 有成人遷就

大個咗,諗起好姊妹,聽《成長》就好有feel。

真的 我怕你有天連知己都不要
為何垂頭看自己的目標
像幼苗 拔高了 然後開始折腰

同好姊妹去唱K基本上8成 Twins嘅歌都識唱,hyper啲就唱《零四好玩》。

換套衫 就去玩 尚有party未散
學費單 電費單 你交給以後煩
就算天 落炸彈 亦放膽隨便逛

唔同嘅心情就會聽唔同嘅歌,越唔開心就會聽啲越慘嘅歌,然後好好喊一場,甚至係無數咁多場,然後突然有一日你就會發現原來時間已經無意中醫好咗你內心嘅創傷,又可以再從新出發。有時聽到某啲歌,都會勾返起唔同嘅回憶,但而家已經可以做到一笑置之了。

P.S. 除咗Twins,其實我都好鍾意聽容祖兒、陳奕迅、周杰倫嘅歌,你哋又鍾意聽咩歌?

啱睇就Like埋我地個Facebook專頁

十分可愛(可憐沒人愛)的淑(熟)女,享受自嘲自諷的life style,仍然相信”Nothing is impossible”的老土金句。

Leave a Comment

Your email address will not be published. Required fields are marked *