衰人唔會認自己係衰人,好人永遠會話自己衰

衰人唔會認自己係衰人,好人永遠會話自己衰

衰既人永遠都唔會認自己係衰人,反而好人會因為自己突然既一句失言,認為自己真係一個衰人。

呢句野你睇唔明?唔明咁你真係入世未深呢!正所謂衰人同好人都唔會有樣睇!多啲出黎社會見識下人際關係,職場醜惡,你就會知既呢!知咩!知道點分好人同衰人。

衰人永遠都有一個好顯眼既特點,就係佢地從來都唔覺得自己衰,唔覺得自己態度差,唔覺得自己有得罪過任何人,當你見到有咁既人係你身邊,你所有身邊既朋友都好唔鐘意佢,而你同佢講。

佢竟然話:「我唔覺得自己態度有問題 lo。」
「我性格就係咁樣,冇得改!」
「唔覺喎……」

咁你就奶野呢!呢個人已經衰到進入無我境界,就係打死都唔認自己係有問題。

反而你身邊有啲酷愛和平相處既朋友,反而會因為講左一句語氣重左少少既說話,而內疚左成日,仲不停咁問你:「你覺得我衰唔衰啊?」「你覺得我衰唔衰啊!」因為一句說話而良心過意唔去既人,衰極都會有個譜。

「我覺得自己今次語氣重左少少!」呢陣時你要留意呢個朋友絕對係好人,因為佢會識內疚。

失去自我既人通常都會載住一幅自己捏造好既面具,從而將自己變成另一種角色、身份,多數都係不討好的角色,例如,惡霸,愛表演小丑,道德撚,正義撚,政治撚,從而強化自己,彌補內心下的缺失,變成另一個喪失自我但強大的自己。

就係因為佢地冇左自我,載左個面具之後,連自己變左個欺凌弱小既衰人都唔知道,佢地仲覺得自己仲係以前既自己,並且唔知道面具外顯靈出另一個自己係點樣。

脱下壞人面具,看到可能只係一個瑟縮一角的膽小鬼,而變成壞人既通常都係由過份自卑,同一啲先天性缺陷、懦弱、開始。

所以如果你身邊有呢種人既存在,你要知道佢地都係唔想變成壞人既,只係佢地唔識處理自己內心既創傷,就好似任何人成為大壞蛋之前都一段不快既童年,受過欺凌,施暴等劣行,他們內心得不抒發,便會往其他方向走。

其實做好人同做衰人只係一線之差,

我只係睇唔透點解衰人永遠唔會認自己衰,佢地載住塊爛鬼面具,做自己想做既衰人,就以為自己大晒,係咁睇唔起任何人,覺得自己就係主角,就係勁人,所以佢地永遠做唔返自己,同上面所講既:於是佢地完全唔覺得自己係衰既,因為佢地連自己都搵唔返。

面具下震抖、懦弱、自卑得不敢注視別人目光的自己,其實先係你最終要面對的自己。

光的自己,其實先係你最終要面對的自己。

啱睇就Like埋我地個Facebook專頁
純粹熱愛寫作,喜歡用黑白照上加上一段文字,和你訴說曾經。

Leave a Comment

Your email address will not be published. Required fields are marked *