喂!先生你未畀錢喎!

喂!先生你未畀錢喎!

是咁的,話說我路過一間便利店,忽然一位店員用9秒9速度跑出嚟,一支箭咁跑向前面,話咁快就就追上咗一個目測有超過60歲嘅呀叔。

店員一手拉住呀叔嘅背囊,大喝一句:「喂!先生你未畀錢喎!」

呀叔:「我叫咗收錢無人應,都無人係到,我就梗係走㗎啦!」

我見到呀叔手上拎住嘅只係一份蘋果日報…我聽唔到店員之後嘅回應,唔知係比錢了事定係報警。如果我係店員,一係報警,一係就屌到佢仆街再報警!

好多人都話香港係一個文明社會,但原來係香港,依然有人會厚顏無恥地講出呢種歪理,而且理直氣壯,學楊法官講,根本就係unhealthy wind!有時都唔係好明呢種廢老個腦到底係點運作,如果好似佢咁講,只要無人係到,就可以拎任何嘢走,呢啲係偷竊罪,講一堆廢話其實都改變唔到呢個事實!

呢班所謂嘅上一代人,即係今日我口中嘅廢老,一邊就教廢青們要腳踏實地,另一邊就明刀明槍做呢種事,真係不知所謂。如果人人都用呢種思維,呢個社會又會變成點呢?

都無人係到,我就梗係強姦啦!

都無人係到,我就梗係打劫啦!

都無人係到,我就梗係搶嘢啦!

都無人係到,我就梗係非禮啦!

都無人係到,我就梗係偷嘢啦!

都無人係到,我就梗係貪污啦!

呢班所謂食鹽多過我哋食米嘅廢老,就係敗壞社會嘅源頭,講一套做一套,見到佢哋嘅咀臉,真係覺得好嘔心,聽到佢哋嘅說話,真係覺得難聽過粗口。廢老,係應該被送去劍橋護老院好好享受。

啱睇就Like埋我地個Facebook專頁

好多廢中廢老叫我哋做廢青,但佢哋唔明白,今時今日仲可以生活係香港嘅廢青,先係最堅毅不屈,最熱血無私。廢青唔係一種身份,係一種態度。

Leave a Comment

Your email address will not be published. Required fields are marked *