窮得只能執筆忘字,繼續思索人生

窮得只能執筆忘字,繼續思索人生

我唔係冇努力過,只不過係機會唔搵我,我都想成功,只不過永遠都唔成功。

我寫左咁耐文,同文字做左咁耐朋友。

我用3年時間Facebook page先有600幾個粉絲,人地用1年時間就可以進軍實體書市場,我仲係紙言寫緊短故,放上高登,連登,我講緊係可能剩係得幾個人睇過。

呢番說話純粹係想抒發下個人感受,因為,真係好壓抑,我每次行過書店,見到實體書,眼睛都會發光妄想自己會置身其中,我忍住唔去諗自己到底衰係邊,點解寫左咁多年文,都出唔到書。但係香港其實真係識得寫文,文筆好既作家又有幾多個,五隻手指之內吧。

所以係極自由狀態之下寫文,我講緊係完全唔洗俾人追稿,題材自由發揮,先至係一種樂趣,無壓力環境之下,你寫文章唔洗再商業化,大眾化,就係因為你知冇咩人會睇你篇文,你先可以好放既寫好一篇文。

既然網上有平台俾我願意用文字表達自己,亂咁噏咩都得,我就呻一呻。

所謂人窮志不窮,我又諗,既然我咁鐘意寫文,就算係窮到燶都唔可以低頭,放低枝筆。雖然執筆又忘字,但心態依然收放自如,猶如進入忘我仙境,為文字去賣命。寫字可以思索到當下既人生,你每一個輕微既想法,情緒,都可以令到你更加變得更似自己,依家冇咩人可以活到似自己,點解?因為冇人會再寫日記,冇人會鐘意拎住本書睇,所有人變得害怕接觸很多文字的東西,冇人會再反省一下自身的東東。

我唔記得一個字點寫,我可以上網輕易就查到,但係如果我唔記得左自己人生既意義,就可能永遠都記唔返到。寫左咁耐文,我始終認為文字可以令到一個窮到燶既人搵返自我。

啱睇就Like埋我地個Facebook專頁

純粹熱愛寫作,喜歡用黑白照上加上一段文字,和你訴說曾經。

Leave a Comment

Your email address will not be published. Required fields are marked *