香港人幾時先肯誠實啲,唔好咁偽善?

香港人幾時先肯誠實啲,唔好咁偽善?

蔡副局長白頭人送黑頭人,養到潘生咁大,供書教學,做人呀媽,傷心欲絕,夠晒淒涼,係咪?潘生睇落相貌堂堂,一表人才,大好青春,就咁自殺都好令人惋惜啦,係咪? 之但係,如果一個人是非不分,胡作非為,若家人離世,畀人話係報應,又會點呢?就係有一班人會話果班提出係報應嘅人,係涼薄冷血,係無惻懚心無同理心。

其實我好同意架,因為惻懚心及同理心都應該係留比有惻懚心及同理心嘅人,唔係阿豬阿狗都配得到。蔡副局長面對學生和老師自殺都無動於衷,任內亦唔見得有做過咩事真係幫到學生同老師,呢種人配得到市民嘅惻懚和同理咩?涼薄?冷血? 都係一班所謂嘅社會賢達身上學返嚟囉。

點解會有部份香港人咁鍾意搶佔道德高地呢,吳得掂講過好多涼薄嘅說話,有背景人士成日東北班村民都好冷血架,淋病話官到無求膽自大,要市民繼續飲鉛水都好無同情心架,啲獸父強性侵自己個女都好無惻懚之心架,呢一班人有無出過聲呢?有無身體力行去爭取啲嘢呢?

點解佢哋只係選擇性關注呢?點解佢哋唔可以誠實啲面對自己,唔通對奸惡之人真係應該有同情心咩?拉登直接、間接害死咁多人,佢被擊殺難道唔係報應咩?惡人喪子,難道唔係報應咩?抑或係佢哋怕講出真正想法會破壞自己所謂真善美嘅形象而引來批擊呢?點解佢哋唔可以誠實啲面對社會嘅不公不義呢?越睇呢班人嘅說話,就越覺得佢地偽善,真小人同偽君子,其實一樣都係仆街。

尊重死者家屬?問題係,佢憑咩要人尊重?資深演員廖麗麗過身,點解市民會悼念?蔡副局長喪子,點解市民會話係報應?因為前者好努力去演戲,為呢個行業付出;後者只係白賺人工,無盡力去幫學生同老師,無做好本份。邊一個值得尊重?呼之欲出啦係唔係?

香港人幾時先肯誠實啲,唔好咁偽善?

啱睇就Like埋我地個Facebook專頁

好多廢中廢老叫我哋做廢青,但佢哋唔明白,今時今日仲可以生活係香港嘅廢青,先係最堅毅不屈,最熱血無私。廢青唔係一種身份,係一種態度。

Leave a Comment

Your email address will not be published. Required fields are marked *