唔好再非禮我啦!致全港最大非禮公司 – FFG

唔好再非禮我啦!致全港最大非禮公司 – FFG

柳臣相信唔少人都受過 FFG 職員不禮貌既性騷擾。
每次柳臣行過一間 FFG 武術健身中心既門市,無論我係趕住番學,岩岩放工,行街經過,個班企街既男妓都會熱情咁伸出祿山之爪黎摸你,甚至捉住你。
而家同你有親咩?你憑咩摸身摸勢?

根據《性別歧視條例》第 2(5) 條和第 2(8) 條,任何人向一名男士或女士作出性騷擾行為,均屬違法,而有關性騷擾的條文亦適用於同性關係。例如一名男士性騷擾其他男性,或一名女士性騷擾其他女性,兩者皆可被控告。
如任何人作出不受歡迎並涉及性的行為,而這些行為具冒犯性、侮辱性及威嚇性的,便會構成性騷擾。性騷擾者可能要承擔法律責任,並且可能要向受害者作出賠償。
唔好以為 FFG 派啲男企街去摸男人就無事。

你係咁好打你就去打飽佢,唔好健身公司搞到自己鴨竇咁,每日就一班四肢發達既麻甩佬企係條街度專捕住啲唔敢出聲既怕羞仔去摸佢。
練到咁大隻去做埋啲咁鬼裡鬼氣既行為,似番個男人好唔好?

性騷擾可以直接或間接地透過身體動作或語言去進行,包括但不限於:
不受歡迎的身體接觸(例如擁抱、親吻或觸摸);摩擦別人的身體;做出使人反感並涉及性的手勢。

柳臣身邊好多朋友都深受其害,有時行過班企街直程問都唔問一手就捉住你手臂叫你入去。
如果你係一個男人咁樣無啦啦捉住一個女人,一早被人喊非禮啦!
但正正因為係男人(甚至好多係男仔唔敢出聲),所以當無野。

柳臣係度呼籲,無論你係男定女,佢一惦你就大喊非禮!因為性騷擾行為其實係唔只限於異性,只要你覺得反感,備受佢既接觸所冒犯,一定要喊左先!
就算唔告佢地,起碼都係令佢地知道自己既行為幾咁黑人憎。必要時甚至應該有意識自衛推開佢,如果唔係,佢地只會繼續猖狂落去。

柳臣呢篇文強烈譴責 FFG 呢間公司,涉嫌教唆佢既員工用呢啲咁唔禮貌既銷售手法侵犯路人。
統一既套路同正常人唔會咁做既身體接觸,令我懷疑 FFG 企街既冒犯性行為係有一套專門既教學手法,教佢啲企街出手去摸人,唔係唔會個個摸,次次摸,佢直頭覺得摸你係應份咁。
你健身公司定大型鴨竇啊?

 

Photo: uat.ffgltd.com.hk

facebook

啱睇就Like埋我地個Facebook專頁

柳臣 一個喜歡寫作的香港人
能創作就是幸福於是我開始了我的幸福之旅

Leave a Comment

Your email address will not be published. Required fields are marked *