懵懵下

懵懵下

今次立法會議事規則的修改,魔鬼在細節,魔鬼最中意人懵懵下。

婆婆懵懵下嘅,你可以同佢講:婆婆,宜家立法會改議事規則大鑊呀,想像下廖嬸佢襯你打麻雀小相公改麻雀規則,話以後叫糊要梁師奶先批準喎,仲有去廁所的話一缺三先點人數,就咪就牌照打,會照開,糊照食。

婆婆:梁師奶同廖嬸真係離譜,等我話比其他雀友知先。

阿媽懵懵下嘅,同佢講:阿媽,宜家立法會改議事規則大鑊呀,即係好似樓下街市想趕走豬肉佬咁,嫌佢地拉布拉多-多口水喎!

阿媽:下,有無搞錯呀,你老豆食豆腐火腩煲慣咗食豬肉陳啲新鮮五花腩嫁!等我落去同豬肉陳吹下水聲援先。

二叔公懵懵下嘅,就同佢講:阿叔,宜家立法會改議事規則大鑊呀,陸合彩電腦票$20改$35!

二叔公:Hang! 我得番廿幾蚊咋!我要去陸合彩門口瞓街抗議!

二叔公個仔勤仔:嘥氣啦!瞓街無用嫁,叫口號無很多用嫁!陸合彩廢嫁!勤仔其實係醒目仔,絕對唔係懵懵下,但佢選擇乜都唔做。若果到時佢老豆真係再買唔起陸合彩電腦票,勤仔應該會話:都話陸合彩廢嫁啦!

若果我係勤仔,我會覺得愧疚,因為我不但咩都無做,仲長他人志氣,滅自己威風。若果我係勤仔,幾無力都好,都唔應該只係放灰,那怕只係同老豆講一聲加油都好。

芸嫂批評瞓街即係做SHOW,但瞓街背後嘅目的唔可以懵懵下唔知。一切都係為咗醞釀輿輪,壯大民意。唔中意瞓街,可以諗吓做啲咩可以達到同樣目的。或者除咗凝聚民心,你仲認為可以做啲咩呢?今時今日,立法會係廢廢地,但唔想佢更廢嘅話,希望沉默的大眾唔好再扮懵,可以幫手喚醒真係懵懵下的大眾,話比佢哋知發生緊咩事,修改議事規則會有咩後果。咁下次佢地收到電話民意調查嘅時候,起碼唔會盲目批評拉布,唔會懵懵下支持修改議事規則,自廢武功。

做人只求問心無愧,知嘅唔好扮唔知,唔明嘅唔好扮明,明嘅知嘅就知其不可為而為之,而真係唔知唔明嘅唔緊要,睇完片就唔會再懵懵下。

【#3分鐘睇完】修改議事規則 點解政府乜都做得?一旦通過保皇派針對《議事規則》的一系列修訂,立法會即時變成無牙老虎,有形但冇權。「反拉布」只係一個北京主導的政治騙局,北京的真正的目的就是打破唯一保障港人、保留民主力量的屏障-立法會,令日後政府推動惡法暢通無阻。明天(12月11日)起,請大家來到立法會,守衛我們的權利,一起阻擋北京對立法會的攻擊!#今日修改議事規則#聽日政府做乜都得#修訂一過立會即廢

Posted by 八鄉朱凱廸 Chu Hoi Dick on Sunday, December 10, 2017

 

Photo: 雅虎香港新聞

啱睇就Like埋我地個Facebook專頁
筆名心魚,是一名香港本土作家,2016年曾參選立法會選舉新界東直選

Leave a Comment

Your email address will not be published. Required fields are marked *