我寧願你做個壞人,都唔做好人!

我寧願你做個壞人,都唔做好人!

「我係好人?」你敢唔敢咁樣同自己講,今日上堂老師請示同學演讀一篇話劇劇本,同學A行出黎大聲朗讀第一句:「我就係一個好人!好……」我坐係課室炒寫緊其他科作業,就係呢句突兀既說話,我停左落黎聽。因為依家都好少人會承認自己係好人,呢個社會……好人通常最後都唔會有好下場。

同學A按劇本需要和同學互動,遂指著某名同學說:「你係豺狼!」。劇本將小紅帽的故事改編,最後,我記得劇本的主角不斷地在指責豺狼,主角在寬恕和憤怒之間猶豫不定,於是我諗,究竟點樣可以睇到一個人係好人定壞人,主角透過分辨豺狼是好是壞,再選擇是否應捨棄原則,追隨壞人,為非作歹,還是反之捨棄壞人,決心當個超級英雄—好人,警惡懲奸。

好壞無法俱分,不論話劇結局最後如何,但相信最後大家都知道小紅帽既結局,小紅帽的結局係豺狼食左小紅帽,呢個結局其實係反映左社會既常態,我地生活中每分每秒都上映梗呢種情節。
雖然我地最後冇死,但係當遭受受壞人傷害時,都要做一種抉擇,面臨一種意識上既判斷,到底佢係好人定壞人,因為有時傷害也可以是良性的,例如佢罵你係為左希望你清醒D,唔好再執迷不悟。

好人>壞人
壞人<好人
好人同壞人相輔而成

我認為做好人係最難既事,主角最後選擇警惡懲奸,捉晒每個既壞人,但係依然仲有千千萬萬個壞人。於是主角認為呢個世界唔會因為做好事,幫人警惡懲奸,而得到相應既回報,壞人依然充斥世界,甚至對內擴張,成為每個人心裡的另一種存在形式。

最後,主角當然覺得好攰,因為佢個性寬心,善良,樂於助人,脾性好,所以令到佢經常遭受各樣的,欺負,傷害,背叛,刀子插滿主角背部,血跡斑斑。最後,主角把他遭受既痛苦變成強大毀滅性力量,傷害曾經中傷他的人,報復之,變成超級大壞蛋,壞事做盡。

最後佢會變成點,我都唔知。我唔敢講「我係好人!」呢句說話要講出黎,需要好大勇氣。

從來好人最難做,最容易受傷害,反而做壞人可以不顧一切。做傷害人果果,一定好過做被人傷害果果,我就係度同大家講,千祈唔好做好人啊!

啱睇就Like埋我地個Facebook專頁

純粹熱愛寫作,喜歡用黑白照上加上一段文字,和你訴說曾經。

Leave a Comment

Your email address will not be published. Required fields are marked *