《進擊》【第20回:傀儡的心

《進擊》【第20回:傀儡的心

振永不斷翻閱梁給他的資料,他翻完又翻多一次,他驚訝地對著它。他看畢後,振永抬起頭看著梁,弱弱地問:「點⋯⋯點解你會俾呢啲我?」

這時Shirley拿起那份資料來看,她只目瞪口呆,梁再斟滿一杯香檳,然後一口氣乾掉了它。「你都知我咩環境㗎啦。」

她靜止了幾秒,只是凝視著振永。振永和Shirley不知怎回應她⋯⋯

這時梁再次說話:「其實我諗咗好耐好唔好同你講,因為我個仔咁樣搞法,我知你一定想問好多嘢。但係我見你又冇咩表示,而且你同我關係咁樣,你都照舊搵我返嚟。」

Shirley:「咁你係咪想話我哋知究竟發生咗咩事?」

「你講就講啱嘅,我叫你嚟呢度其實都係因為咁。」

「不過唔好講住,你呢度點解可以有個地下室?做節目做得多,但係真嘅僭建我都係第一次見!」Shirley四周望望後向著梁大聲說。

「殊!你慌死人哋聽唔到咩?出面幾多記者你唔係唔知啊。」這時振永拍一拍Shirley的手臂,示意叫她不要插嘴。

「唔怕講埋啦,呢一區啲樓,冇僭建就假嘅,我已經係唔貪心㗎啦,只係整咗個地下室。你試下睇吓啲司長同中聯辦啲人間屋,嚇死你都有份啊。要空中花園就空中花園,網球場就網球場,連我都唔知佢哋俾咗幾多錢地政署啊。」

振永這時只想知道究竟梁的兒子,就截停了梁:「呢啲我哋做節目個陣都略知一二㗎啦,你講重點啦。究竟發生咩事?」

這時梁深嘆一口氣,「唉!」,然後就開始說究竟她的兒子如何被自殺。

「都係怪我自己衰,我唔識做咩發展局局長,做呢個位你都知幾辛苦,又要討好班地產佬,黑社會班大佬又俾唔少錢我哋,我哋又唔可以唔就佢。成日夾喺佢地中間,梁特同啲司長又唔想理,將個波交俾我。我有次真係激到發火,咁⋯⋯咁咪搞成咁囉。」梁開始鼻酸,她再喝掉一杯香檳。
振永看到她準備想哭,他只好慢慢地說:「其實呢,我哋都有聽過啲傳聞嘅,就係話你激嬲咗新安義,定係北京仔,佢哋就搵人搞你個仔。但係只係傳出嚟,我都唔想問太多。」

「你喺邊度聽返嚟㗎?」

「咪就係羅君饒囉,安安定定做個議員又要搞埋咩集會,仲不斷求我哋幫佢手。」Shirley不屑地向梁說。

「呢條友仔,我都好唔Like佢,都唔明點解上面咁睇好佢。不過點都好啦,部份係真,部份係假,等我講返你知啦⋯⋯」

Shirley這時不耐煩地搶過話柄:「你快啲講啦,到咁耐都未入正題。」

振永這時看不過Shirley的態度:「唔好咁啦你,係你個仔咁點啊⋯⋯」

梁這時就答:「我講啦,你諒解下我唔係咁想講,所以先拖咁耐。聖德醫院附近咪有塊官地嘅,但係梁特又話因為嗰度有間咁嘅嘢唔想要,我已經有勸過佢不如起吓公屋算啦,等啲人唔好又_我哋,點知佢又唔肯,之後咪諗住開出嚟扮個拍賣做場騷囉。根本就內定咗俾恆地嘅,但係新安義個_ _又要分一杯羹,話想有啲位起棟樓擺私煙同白粉喎。我梗係唔想俾佢啦,但係政務司同梁特又唔理,搞到我完全冇得say no,我咪唯有咁樣對佢囉。跟住點知⋯⋯點知⋯⋯」

說到這時,梁就禁不住哭起來,但在Shirley面前不敢大哭,只好抽泣。振永在褲袋拿出一包紙巾,遞了一張給她。「跟住個結局你唔洗講啦,因為我哋都知咩事。」

「我點會諗到佢會咁對我先得㗎,本身大家都係服侍上面姐,好好哋哋大家有錢搵,唔好犯到大家界線就算囉。我只係聽梁特支笛做嘢,佢就已經⋯⋯已經要攞咗我個仔。我已經冇老公㗎啦,個仔又冇埋。」這時她也忍不住大哭。

聽到這裡,Shirley與振永四目交投,眼神在交流著怎樣處理好。但這時,梁突然起身,走去賭桌旁邊,打開枱底一個櫃筒,拿出了一隻USB,然後給了振永。

「嗰次帶埋你去文華個聚會,你錄嘅音我整咗份copy。」這時Shirley即時搶過USB把它保管好。

「梁特明知我個仔係因為咁而死,竟然理都冇理過,既然佢哋呢班人咁對我,倒不如攬住一齊死。我信你㗎啦,你去搞掂佢啦。」然後梁更找出更多不同資料給振永,叫他想辦法公開所有見不得人的資料。
(待續)

 

facebook

啱睇就Like埋我地個Facebook專頁
香港土生土長的人,就讀於嶺南大學文化研究系。關心社會,熱衷於研究各樣文化及現象,熱愛研究韓國文化。

Leave a Comment

Your email address will not be published. Required fields are marked *