Fanpiece 作家要創造多少流量才活得下去!?│作者自白

Fanpiece 作家要創造多少流量才活得下去!?│作者自白

好多香港人好怕同人講錢,特別係對寫文呢一行,好多人覺得講錢就俗,寫文應該救國新民。
無錯,寫文係一個行業,所以今日就同大家講下,一個係Fanpiece投稿既網絡作家每月要創造幾多click rate先夠生存落去。

首先,大家要明白「稿費」係點計算,Fanpiece既稿費分為基本流量同精選流量。
基本流量姐係固定稿費,每一千瀏覽數可獲HK$3,而如果篇文上到「精選」,就會用精選流量稿費計算,精選流量稿費每個月唔同,以最近6個月(2017年7-12月)拉個平衡值咁計,大概係HK$9.75。
除此之外,「推薦文章」每篇可以再額外得到HK$20既稿費,姐係出現係fanpiece 首頁或大大幅置頂個D文。

咁大家計下就大概可以知道,每一萬精選流量可以得到九十七個半,每一萬普通流量可以得到30蚊。假設你唔係最當紅個批作家,只能間唔中上到精選,間唔中上到「推薦」,你日日出文一個月出30篇(全年無休仲勤力過打工仔),篇篇都過萬人睇,大概可以搵到$3300蚊。
只要根據呢個方法,其實每個作者稿費收入幾多係公開咁滯(當然加加減減幾十唔好計啦)。

以最低工資九千蚊做參照,咁姐係要創造幾多流量先可以靠寫稿維生呢?
係每月90萬流量,姐係日日寫,每篇文創造3萬點擊率。用我自己做例子,大概係「柳絮+男人有話兒+小心輕看」三個專欄現有流量既十幾倍。

當然你會話Fanpiece唔係唯一有稿費既平台,據我所知都仲有啲地方有稿費,不過唔多,而且各有條件,例如你只可以係佢度投稿,或只有最高click rate個幾篇先有稿費,更甚有啲要你簽約以後唔可以出同佢立場相反既文先有稿費,Fanpiece算係比較自由又有穩定稿費既地方。
即使我當你同時食幾家稿費,香港又有幾多個作家做到日日寫篇篇文過萬流量呢?做唔到個啲點生存呢?

 

facebook

啱睇就Like埋我地個Facebook專頁

Tagged .

柳臣 一個喜歡寫作的香港人 能創作就是幸福於是我開始了我的幸福之旅

Leave a Comment

Your email address will not be published. Required fields are marked *