廢作蛙旅行記事 002 : 樹上看風景、見証那心情

廢作蛙旅行記事 002 : 樹上看風景、見証那心情

阿仔今次走咗去棵樹上面,有張動態、有張靜態。

多愁善感嘅我,又會係到諗……佢諗緊咩?

「生仔點會唔知仔心肝」,問題係我又唔係生佢嗰個,

佢諗咩,我真係要問下莊子(講明,唔係比達個老婆!)……

惠子話過,佢唔明莊子點解會知道條魚快樂,所以想問莊子,之後莊子又答返佢:

「你問得我話『你點知到魚係快樂』呢句說話,就即係話你知我知佢快樂喇?」

就憑呢一句說話,我就知道……阿仔佢有啲唔開心。

今次一次過影兩幅相返嚟,阿仔佢想話比我知,

一個人嘅旅行……有啲寂寞。

佢好想見識一下呢個世界,搵多啲唔同嘅朋友,

去同佢哋分享自己嘅見聞,了解唔到人嘅想法,

又或者係面對住同一個風景時,

可以一齊講下自己嘅感受。

不過……算喇,阿仔。呢啲要將希望放係人哋身上嘅嘢,

都係可遇不可求,唔可以勉強人哋去做你覺得好、值得欣賞嘅嘢。

好似賞櫻花咁……日本有自己當地一套傳統嘅文化,

其他人唔鍾意跟,淨係鍾意用自己個套去自我享受,

你都無佢辦法架?佢地都係為咗「享受」即……

唔通去旅行嘅人,個個都真係為咗體驗當地文化咩,

其實只係想食食食食食,離開自己嘅世界去「享受」一下,或者晒下命咁。

唔好要求咁多……

唔知阿仔佢明唔明?

啱睇就Like埋我地個Facebook專頁
這個麻,是一個名為「十三郎寫作團隊」的組織,主要是各種靈魂的混合體,他們有各式各樣的創作,但都以文字為主,所以又稱為「多媒體廢作人」。

Leave a Comment

Your email address will not be published. Required fields are marked *