蛙在露營

蛙在露營

阿仔今日去咗露營,實行一次「蛙在野」(其實蛙不嬲都在野)。
有時諗返轉頭,人類都真係幾特別嘅生物。
生活係地球呢個地方,所有嘅生命體都係為咗周圍嘅環境而改變自己,去迎合大自然。

點解人類會係改變周圍嘅環境去迎合自己?
好似阿仔咁,佢可以係到起個帳篷保護自己,都可能會插釘用嚟固定個帳篷,但點都唔會打樁插穿個地下唔知幾多百米咁,又用石屎封實晒啲泥土,攪到啲地方寸草不生掛?

當嚟到我呢一代,我以為世界都係咁,唔會有咩改變(或者越做越過份),但原來係北歐,有一種教育方式係以大自然為主!

https://www.bilibili.com/video/av9815065/

這是一個我最近看到的節目,由一班教育工作者分享經歷及體驗,提倡教育、兒童、大自然三者是不可分割的關係。要令孩子心智體能健康成長,由從大自然中體驗學習是最好的方式。

現代社會的教育,著重數據成效(呢一點唔單止係教育,就連香港的社福、藝術界也是,實在令人嘆息……當然以我這個無名無姓嘅路人甲,講咩都無意思!)。
感覺上由數據審核出嚟嘅都係為咗做社會需要嘅庸才,而唔係人才。我承認我係香港失敗教育下嘅失敗者,不過我都想令自己有成功嘅一日,所以咪唯有自己努力去改變自己十幾年嚟錯誤嘅思想同觀念,好好哋望住阿仔睇佢成才囉。

無他嘅……就算我有所改變,世界都唔會為我而轉變。
不過呢到又想講返轉頭……
到底人類……應該係要迎合世界?定係要改變世界?
又要問下莊子……

啱睇就Like埋我地個Facebook專頁
這個麻,是一個名為「十三郎寫作團隊」的組織,主要是各種靈魂的混合體,他們有各式各樣的創作,但都以文字為主,所以又稱為「多媒體廢作人」。

Leave a Comment

Your email address will not be published. Required fields are marked *