《「廢作蛙」旅行記事》在華山之巔

《「廢作蛙」旅行記事》在華山之巔

相信好多人都唔明白,點解我會覺得阿仔去咗「華山弄見」。

呢句說話其實係「劉德華年代的楊過」,演活老頑童一角嘅「秦煌」,係最後一場戲中,講述眾人返去華山嘅時候,發現有班無名鼠輩係到爭奪天下第一。當時就有人被打傷,臨死之前就係老頑童身邊講咗佢:

「我哋係嚟華山弄見」

可能因為當時嘅臨時演員有口音,講唔清楚對白,但老頑童就跨張咁照跟佢講。成件事又好配合佢貪玩亂嚟嘅角色,所以就覺得好正。

突然有呢個感覺,都係因為TVB(無線電線),佢咁多年嚟拍古裝片,特別係金庸(其實上我只係睇金庸),好多時走到山腰、上山途中、被迫到崖邊,我都覺得個背景同呢個地方都好似。

諗起金庸係TVB嘅劇集,有幾套都翻拍過兩三次,最多人識嘅係《射雕英雄傳》、《神雕俠侶》、《天龍八部》、《笑傲江湖》、《倚天屠龍記》、《鹿鼎記》。當然仲有《雪山飛狐》加外傳,《書劍恩仇錄》同《碧血劍》(十四天書都算晒)。亦當然佢地係粗製濫做,就算所為跟原著都係麻麻地,不過我就係睇呢啲嘢大,入晒腦,反而係經過佢地改編之後,我更加容易去睇呢啲故事。

諗諗下,其實TVB真係幾影響我。就算佢哋係賤格都好,無可改變嘅係我睇住佢嘅電視劇大,根深柢固就係鍾意睇呢種劇集,其他真係無咩興趣去追(日劇除外)。但就算真係去睇日劇都好,唔係嗰種生活文化,你只可以期望可以體驗呢種生活,但你唔會係呢種生活到有咩共鳴。唯有原汁原味嘅港劇先會睇得咁開心。

不過無喇… …8八點鐘嘅電視真係熄都熄唔切,不過同樣,又有好多人原來會一路睇一路笑。之後830同930兩個時段都有唔同嘅觀眾,以最近跨世代同平安谷為例,兩個好極端嘅故事,但都有同一班觀念去睇,跨世代更加係成功到一個點,連小朋友都睇,係唔單止睇LIVE,仲要翻睇第二次。真係好驚!不過真係無辦法,因為我自己都覺得做得好睇(但都未至於想翻睇)。而我都開始見到有個勢,TVB有關會翻身… …事實上,有好多人都係靠TVB為維生… …好恐怖… …

啱睇就Like埋我地個Facebook專頁
這個麻,是一個名為「十三郎寫作團隊」的組織,主要是各種靈魂的混合體,他們有各式各樣的創作,但都以文字為主,所以又稱為「多媒體廢作人」。

Leave a Comment

Your email address will not be published. Required fields are marked *