做人最忌就係未試過就認輸

做人最忌就係未試過就認輸

「抽居屋?實抽唔中㗎啦,我唔抽喇。」
「表演?唔去喇,我好耐無打鼓費事出醜啦。」
「移民去加拿大?唔得㗎我一定適應唔到,我英文又差,實搵唔到工。」
「轉工?唔轉啦,我出到去都未必有人請。」

一個人安穩久了便不想改變,懶改變,甚至怕改變,你以為人愈大,就愈有能力、資本去追求夢想/理想?非也,正因為人大了,想法更成熟,要考慮的因素才會更多,更加不敢放手去搏。現在我已在公司做了幾年,和同事相處也不錯,大部分工作都已經上手,正常是可以一直做下去,但我實在接受不了公司兩年以上才調整人工和發花紅,而且連最基本的病假也沒有,所以最近已有轉工的念頭。

留在comfort zone幾年,整個人都養懶了,連從前見工穿的套裝都已經穿不上,對於市場資訊也完全不update,於是第一步是先上求職網看看,才發現原來現在十份工有九份已列明是五天工作,有些還寫明有雙糧、花紅,當然,「食得咸魚抵得渴」,工作內容都會相對地多,對求職者的要求也更高,突然開始擔心自己是否真的能找到一份更好的工作,畢竟自己又不是甚麼勁人,只是個勤力工作的小薯仔。

「而家香港失業率3.1%咋喎,你驚咩啫?」男友Mike說。
「係有幾多睇落幾吸引嘅工,但我無信心爭贏其他人。」我說。
「未試過點知唔得呢?」Mike說。
「而且轉咗工都未必好過呢度。」我說。
「唔轉點知呢?我諗都好難有工差過呢度,畀啲信心自己啦!」Mike說。

其實搵工就如追女一樣,當你有天偶遇女神,覺得她靚爆鏡,心想一定有很多人追,自知不夠班,於是未追先認輸,甚麼也不做,只是每日像怨婦地呻,遲早一天她一定會被人搶走,但如果你心口掛個勇字豁出去一試,可能你會發現原來女神根本沒有人追,非常寂寞,分分鐘和你一拍即合添。

超!童話故事咩,邊有可能咁順利?好了就算真的touch wood追不到,失敗了,都叫做試過努力過,輸也輸得甘心。好了,我也是時候要好好裝備自己,執執履歷表及portfolio,我要上 JobsBB 追我的男神們了!

啱睇就Like埋我地個Facebook專頁
十分可愛(可憐沒人愛)的淑(熟)女,享受自嘲自諷的life style,仍然相信"Nothing is impossible"的老土金句。

Leave a Comment

Your email address will not be published. Required fields are marked *