失敗教懂你的課堂,不用急著去悲傷

失敗教懂你的課堂,不用急著去悲傷

輸既感覺一啲都唔好受,我依家可以好真實同你講,因為虐心四個鐘頭之前經歷過歇斯底里既痛苦,尤其一個人去面對。 失敗同埋挫折絕對係可以毀你一生既野,尤其對某件事情期望過高,寫呢篇文既人啱啱就係失敗之中抽離出黎,而依家虐心正正希望將由絕望中抽離既過程寫返出來,希望其他人都可以逃離失敗既傷痛。

盡過力還好,最怕既係係臨場失準,或者發揮得唔好,令到自己不斷埋怨自己,又或者係咁拎自己同其他人比較,最後會得出一個答案「係自己做得唔好」「點解人地可以做得咁好」將盾頭全部指向自己,呢個亦都係虐心既通病,失敗後可能係人地面前冇表現出唔開心,但事後只不過想搵個地方靜下,我覺得搵個安靜既地方平伏下情緒,總好過要面對咁多人,係一個好方法,俾你再免受外來的刺激。

感覺由麻木變成挫敗,除咗唔相信失敗係事實,仲會失敗歸咎於自己身上,最後將所有箭插係自己身上,呢個時候你會儘量想搵個地方避世,不停喊,不停喊,然後喊到唔想喊為止,虐心會連野都唔食,街都唔出,平伏完一陣,末咁快完,你會生出尋死既念頭,呢個時候係最難捱既,你會連你最平時最鍾意既野都唔想掂,係絕望,因為你已經覺得冇野重要得過你眼前既失敗,你將佢過份放大,呢個時候建議都係靜下,最好搵個朋友傾下偈,訴下苦,認同吓你既處境,如果呢個方法有效用既,其實已經抽離失敗得七七八八,除左啲手尾外。

如果你搵唔到朋友,我建議你去訓覺,因為你再繼續靜落下,個腦依然諗埋一邊,倒不如一訓天光,第二日既失敗感起碼己經減左二成幾,最後,我認為搵到一套啱自己應付失敗既方法好重要,但係無論點得好,最緊要係唔好逼自己面對,逼自己開心,要俾自己心情慢慢去放鬆,直到回復為一個正常既階段,先好出黎見人。每次

失敗都係一堂好好既控制情商課堂。

只要面對失敗時,仍能站得住腳,下次無論面對什麼困難,也能乘風破浪,做一朵堅強的花朵。

Photo: TED Talks

啱睇就Like埋我地個Facebook專頁
純粹熱愛寫作,喜歡用黑白照上加上一段文字,和你訴說曾經。

Leave a Comment

Your email address will not be published. Required fields are marked *