哈爾移動離島

哈爾移動離島

香港為咗媚共走去同大陸合作,搞個條港珠澳橋既人工島上面防波堤上面啲弱波石,都未起好就已經飄到周圍都係。
防波堤理論上就係要黎防波,但係而家個「防波堤」成包即沖咖啡咁,一沖就散。
然後政府仲死撐同你講,話咁佢石黎咋嘛,石被浪沖係預咗佢郁架喎!
本身以為你起人工島姐,點知原來你暗地裡起緊哈爾移動離島。
個島一路起就一路飄移,飄都邊中國既領地就擴張到邊,都咪話唔巴閉。

呢個問題唔單止係講緊美觀唔美觀,而係直接就影響到港珠澳大橋成個海底隧道既結構安全問題。
而家沖到成百米咁遠,本身弱波石要黎減弱波浪不斷沖打人工島既作用亦無辦法發揮。

呢幾日佢又換咗個講法,話你地識咩啊,呢個叫隨機擺放,係有訣竅有作用。
唔通呢個就係傳說中既佛系防波堤?由佢飄,求其放,緣份一到,波浪自然會消失。

其實由佢耗資千億公帑起港珠澳大橋既時候,你就已經冇say,其實佢解釋又好唔解釋又好,起哈爾移動離島又好,個島日後不斷變形都好,你都吹佢唔脹。
一個唔好彩,他日因為飄散咗既弱波石令到條海底隧道崩塌,到時真係叫天不應叫地不聞。
咦?唔係喎,諗諗吓我地而家就算住係香港,都係叫天不應叫地不聞,同呢個哈爾移動離島又有咩分別呢?

作者: 新文道

 

Photo: hk01

啱睇就Like埋我地個Facebook專頁
歡迎各位讀者踴躍投稿,來稿請電郵至 info@menjap.com

Leave a Comment

Your email address will not be published. Required fields are marked *