廢老不廢

廢老不廢

政府入面啲高官近排唔知係咪照鏡望到自己白頭髮又多咗,定或係想效法偉大既祖國習大大無限連任。竟然開始提倡退休長者「再工作」,話係釋放本地勞動潛力,姐係叫啲老人家唔好咁早退休啦,你都係出番黎做野啦!

香港既工時已經係全世界數一數二,一世人既工時分分鐘係其他國家兩世既工作時數。咁都算,而家仲要再拉長成個工作既生命週期,實行活到老做到死為止。

當咁多大專畢業生出到黎搵唔到野做既時候,香港政府唔係做好資源再分配,而係再推班淨番冇乜生產力既老人,將佢地僅餘既價值都榨乾埋。

然後退休再推遲幾年,老屎忽又可以再坐幾年,後生仔升職又難咗。一個政府出個政策係救老棄嫩,意味住佢已經唔諗點可持續發展,玩埋呢轉就收山。

叫老人家出番黎做野,政府其實就姐係同佢地講:「我唔養你架,你自己諗惦佢啦!」而家啲廢老成日話啲廢青唔捱得,但係睇怕唔洗幾耐,啲廢青就可以好自豪咁同啲廢老講:「我睇你捱得幾耐!」

到時唔單止學童自殺率繼續高企,就連老人自殺率都可望上升。咁到時再死咁啲人,香港人少啲,公共開支又少咗筆,香港政府又唔洗咁頭痕諗養老。

 

作者: 新文道

Photo: Kiplinger

啱睇就Like埋我地個Facebook專頁
歡迎各位讀者踴躍投稿,來稿請電郵至 info@menjap.com

Leave a Comment

Your email address will not be published. Required fields are marked *