假如你身邊有一個天蠍座,你會點寫自己嘅愛情傷痕?

假如你身邊有一個天蠍座,你會點寫自己嘅愛情傷痕?

唔寫愛情故,其實因為有個天蠍座係身邊。
我唔知到大家對天蠍座有咩睇返,我本身月亮星座都係隻蠍子,或多或少我都明白呢
個星座嘅思考模式。
咁… …如果要寫一個愛情故事,大家都好明白一個好睇嘅愛情故事,
係要寫得入肉先好睇(最少廣泛網民係咁諗),
咁,我應該點去寫一個有個人風格又可以好入肉嘅愛情故事?
其實呢個問題我已經兜咗一個好大嘅圈。
首先,我想大家一定要做咗一個假設先:
有個天蠍座係你隔離,佢係一定會睇到你打字,特別係你Share出去之後,佢會零秒俾
「Like」你。
即係類似你係返工時間出文發故,之後你老細零秒俾「Like」你一樣,不過後果會嚴重
多幾賠。
咁你覺得你寫呢個愛情故嘅時候,你可以寫啲咩?而大家又鍾意睇?
嚟!講咗咁耐,我又要兜一兜圈先!(希望大家明白點解我會咁講)
最影響到一個人嘅愛情故事,都莫過於令你有所均活態度有所改變,
唔係一時三刻,係會令你成個人都唔同晒!
例如一向都鍾意賭波,經過一次失戀之後,你會突然間唔想入馬會。
唔係因為你個ex同你落咗咒,而係你身心都覺得好倦,做咩都提唔起勁,
一直係咁捱咗一個星期,食咩都無胃口,飲酒都無味道,個感覺係真係慘過你訓身去
買英格蘭會嬴入決賽,之後中咗伏;再訓身去搏佢有第三,之後聽到民建聯都會支持
英格蘭… …
你即刻會覺得好絕望!但都唔夠失戀咁慘… …
因為英格蘭輸波,係因為民建聯支持佢。你可以怪佢!
但你失戀唔係因為人民建聯搶咗你女朋友,係佢自己走咗。

甚至你係唔知自己衰咗啲咩,佢咁就走咗。
於是你就會唔出聲、唔見人、唔搵人咁過咗一個星期,
直到個刻你覺得肚餓,想食嘢,你先諗起你自己幾耐無同過自己嘅女朋友開開心心咁
食餐飯… …
唔係掛住打機就係黑佢面,當自己以為想對佢好個陣,佢又好似唔得閒,攪到無癮又唔
想話佢知,收收埋埋唔出聲,又比佢以為嬲咗佢。
你有無試過呢啲經驗?
之後你好認真咁去諗,好認真咁去寫故,你都覺得呢個故一定係會震撼網上愛情類嘅
網故個陣,問題出現!
天蠍座女生,男嘅都可以諗下,你估下要發佈呢個故事之前,你會考慮嘅係咩問題?

啱睇就Like埋我地個Facebook專頁
這個麻,是一個名為「十三郎寫作團隊」的組織,主要是各種靈魂的混合體,他們有各式各樣的創作,但都以文字為主,所以又稱為「多媒體廢作人」。

Leave a Comment

Your email address will not be published. Required fields are marked *