男人,你嘅上進心

男人,你嘅上進心

最近警方高調咁拉哂一班倫敦金騙子,可見警方辦事能力係極為專業同相當有效率,前設係佢想做個陣。

有留意開本皇嘅專頁都知道,本皇曾經都加入過類似嘅「專業」團隊,對於內部嘅運作都略知一二。(詳細請參考『大師兄:洗腦課程』系列)

但我今日只係想講嘅只係呢類型騙子(大多數係為女性)慣用嘅道具:上進心。

上進心被佢地呢類型人包裝成一種只係搵錢嘅動力。

上進就要搵錢,搵到錢就係上進呢種想法。

要上進,搵錢,發達,呢種事全香港人都想,但人生有所局限,志向唔同。

唔係著住套西裝GEL個ALL BACK頭先叫做人生贏家。

做人要學識照顧自己,係香港呢種商業社會照顧自己,同錢脫離唔到關係。

香港班外傭就比一班有錢但唔識(或者唔想)去照顧自己同家庭嘅人,去外判出去嘅承辦商咁解。

你唔一定要發達,但你至少識得照顧自己。

但好多男人一聽到啲女人對住佢講上進心,男人就會想話對方係家禽之類。

係你抱怨之前,你必須問一問自己:你對唔對得住今日嘅你?有問題個陣,你會點解決?

繼續係到返一份自己都唔想返嘅工,但又唔知自己可以做乜,但放咗工只係想去食個飯,打陣機,然後繼續做返同一件事?

會唔會考慮去學下嘢?唔想讀英文,可以去學下急救;唔喜歡,你咪去學整家居電器,再唔係去睇多啲書,跑下步,做健身,學瑜伽。

我地講緊嘅增值自己。

社會就如一件會中出即飛嘅MK仔。你被人食完,社會只會頭也不回就走咗去,只會係閒時之間談論你幾咁戇鳩。唔想做一個受害者,首先你就避免一切做受害者嘅可能性。

我地講緊嘅增值自己。

你唔一定要發達,但你至少識得照顧自己。自己生活都顧及唔到,談唔到愛情,談唔到生活態度。習慣放棄,習慣得過且過,我地只會繼續原地踏步。

男人,係我地抱怨緊別人對自己嘅誤解前,好好諗諗自己嘅生活。

「未遇到想要人,因為我地未做到想要自己。」

但,欠缺上進心的確係被人濫用,因為我未見過有人會話啲有錢二世祖無上進心因此離開佢:0)

Elaine好肥,佢每日都好努力減肥,做運動節食,學歷好好係大公司工作,3個月後佢仍然係一個無人追嘅肥妹;

Angel 身材好好,佢每日生活唔係行街就係食高級餐廳,成身名牌但無乜見識,3個月後,你見蘋果動新聞到見佢啲相。 

啱睇就Like埋我地個Facebook專頁
港豬廢青一名 只想吃喝玩樂不勞而獲 不求踏實地但求公屋有期

Leave a Comment

Your email address will not be published. Required fields are marked *